آرکنساس: امریکا میں ہونے والی ایک 400 میٹر ریس میں ایتھلیٹ سپر مین بن گیا، ویڈیو وائرل ہوگئی.
تفصیلات کے مطابق امریکی ریاست ارکنساس میں ہونے والے 400 میٹر ہرڈل مقابلے میں ایک عجیب و غریب منظر نظر آیا، جب ایک سیاہ فام ایتھلیٹ نے جست لگا کر فنش لائن پار کی.
ٹیوکر نامی اس ایتھلیٹ کو ساؤتھ ایسٹرن کانفرنس ٹریک اینڈ فیلڈ مقابلے کے آخری لمحات اپنے ساتھی ایتھلیٹ رابرٹ کی جانب سے کڑا مقابلہ درپیش تھا.
اس موقع پر ٹیوکر نے ایک عجیب فیصلہ کیا اور دوڑنا ترک کرتے ہوئے سپرمین کی طرح جست لگا کر اختتامی لائن عبور کی اور جیت اپنے نام کی.
بعد میں میڈیا سے گفتگو کرتے ہوئے اس نے کہا کہ آخر ہیرڈل عبور کرنے کے بعد اس نے آنکھیں بند کر لیں اور یہ تصویر کیا کہ فنش لائن پر اس کی ماں اس کی منتظر ہے، بس یہی سوچ کر اس نے جست لگا دی.
اس انوکھی ویڈیو کو سوشل میڈیا پر کثرت سے شیئر کیا گیا اور اسے سپر مین ڈائیو کا نام دیا گیا ہے.
