The news is by your side.

Advertisement

راؤانوارکا نام ای سی ایل میں ڈال دیا گیا

اسلام آباد : وزارت داخلہ نےسپریم کورٹ آف پاکستان کے حکم پر نقیب اللہ محسود کے مبینہ مقابلے میں ملوث عہدے سے معطل ہونے والے ایس ایس پی ملیر راؤ انوار کا نام ای سی ایل میں ڈال دیا۔

تفصیلات کےمطابق سابق ایس ایس پی ملیرراؤ انوار کا نام ای سی ایل میں ڈالنے کے لیے وزارت داخلہ کو تحریری احکامات موصول ہوگئے جس کے بعد راؤ انوار کا نام ای سی ایل میں ڈال دیا گیا۔

خیال رہے کہ سپریم کورٹ نے آج نقیب اللہ محسود کے مبینہ مقابلے میں ملوث عہدے سے معطل ہونے والے ایس ایس پی ملیرراؤانوارکا نام ای سی ایل میں ڈالنے کا حکم دیا تھا۔

سپریم کورٹ آف پاکستان نے 27 جنوری کو سابق ایس ایس پی ملیراؤانوارکوبھی ذاتی حیثیت میں طلب کررکھا ہے۔

چیف جسٹس ثاقب نثار نے ریمارکس دیے تھے کہ راؤ انواربیرون ملک جانے کی کوشش کررہے ہیں، وزارت داخلہ فوری طورپرراؤ انوارکا نام ای سی ایل میں ڈالے۔

چیف جسٹس نے کہا تھا کہ سنا ہے جےآئی ٹی بنی لیکن راؤانوارپیش نہیں ہورہے، کیا راؤانوارابھی بھی ایس ایس پی ہیں؟۔

عدالت عظمیٰ نے آئی جی سندھ اے ڈی خواجہ اور کیس کی تحقیقات کرنے والی جے آئی ٹی کے ممبران کو بھی آئندہ سماعت پر طلب کرتے ہوئے سماعت 27 جنوری تک ملتوی کردی تھی۔


راؤانوارکی دبئی فرارہونے کی کوشش ناکام


یاد رہے کہ ایف آئی اے نے نقیب اللہ محسود کے مبینہ مقابلے میں ملوث عہدے سے معطل ہونے والے ایس ایس پی ملیر راؤ انوار کی آج صبح دبئی فرارہونےکی کوشش ناکام بنادی تھی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں