سپریم کورٹ نے وزیراعلیٰ سندھ مراد علی شاہ کی نااہلی کے لئے درخواست مسترد کردی
The news is by your side.

Advertisement

سپریم کورٹ نے وزیراعلیٰ سندھ مراد علی شاہ کی نااہلی کے لئے درخواست مسترد کردی

اسلام آباد : سپریم کورٹ نےوزیراعلیٰ سندھ مراد علی شاہ کی نااہلی کے لئے درخواست مسترد کردی، عدالت نے قرار دیا صرف سیاسی مخالفت پرعہدے سے ہٹانے کی درخواست سنی نہیں جاسکتی،مراد علی شاہ دو ہزار تیرہ میں دہری شہر یت چھوڑچکے تھے،دہری شہریت چھوڑنےپرنااہلی ختم ہوگئی۔

تفصیلات کے مطابق سپریم کورٹ میں جسٹس عمر عطابندیال کی سربراہی میں 3 رکنی بینچ نے وزیراعلیٰ سندھ کی نااہلی کی درخواست پر سماعت کی ،
سماعت میں عدالت نے کہا مراد علی شاہ کی نااہلی کی درخواست ریٹرننگ آ فیسر نے مسترد کی تھی، درخواست گزار نے ریٹرننگ آ فیسر کے حکم کو قانونی فورم پر چیلنج نہیں کیا اور نااہلی کیلئے ہائی کورٹ میں درخواست دائر کردی۔

سپریم کورٹ نے کہا درخواست گزار مراد علی شاہ کا سیاسی حریف ہے ، کسی کو عہدے سے ہٹانے پر درخواست میں نیک نیت ظاہرکرنا ہوتی ہے ، صرف سیاسی مخالفت کی بنیاد پر عہدے سےہٹانے کی درخواست سنی نہیں جا سکتی۔

جسٹس منیب اختر نے ریمارکس دیئے نئے قانون میں تو ہر شخص قانونی فورمز پر درخواست دے سکتا ہے ، ایک حلقے میں 50ہزار بندے ہوتے ہیں ، خود نہ سہی کسی ووٹر کے ذریعے درخواست فورم پر دلوائی جا سکتی تھی، پارلیمنٹ نے کامیاب رکن اسمبلی پر اعتراض کا اختیار بہت وسیع کردیا ہے، سیاسی مخالفت تسلیم کرتے ہیں تو قانونی فورمز بھی استعمال کرنے تھے۔

جسٹس عمر عطا بندیال نے کہا مراد علی شاہ کی اہلیت سیاسی محرکات پر چیلنج کی ہے ، بادی النظر اس کیس میں نااہلی واضح نہیں، درخواست گزار کو وجوہات کی بنا پر کیس ثابت کرنا ہوگا ، مراد علی شاہ 18 جولائی 2013 کو شہریت چھوڑ چکے تھے، پہلی نااہلی دہری شہریت کی بناپرتھی، دہری شہریت چھوڑنے کے بعد نااہلی ختم ہوگئی۔

وکیل حامد خان نے بتایا کہ ریٹرننگ آ فیسر نے مراد علی شاہ پر 62ون ایف لگایا ، جس پر جسٹس عمر عطا بندیال نے کہا ریٹرننگ افسرعدالت نہیں ہوتا۔

اعلی عدالت نے قرار دیا معاملےمیں ہائی کورٹ کا درخواست مسترد کرنا بالکل درست ہے، فورم موجود ہونے کے باوجود ہائی کورٹ میں درخواست دائر کیوں کی گئی  ایسے نہیں کہ اچانک کسی کوعہدے سے ہٹانے کی درخواست دائر کردی جائے، ہر کوئی عہدیداران کو ہٹانے کی درخواست سپر یم کورٹ ہائی کورٹ لے آتا ہے، درخواست گزاران کو قانونی فورمز کا استعمال کرنا چاہیے۔

بعد ازاں سپریم کورٹ نے وزیراعلیٰ سندھ مراد علی شاہ کی نااہلی کی درخواست مسترد کردی ، درخواست مراد علی شاہ کے مخالف فریق روشن علی نے دہری شہریت اور اقامہ کی بنیاد پر دائر کی تھی۔

Comments

comments

یہ بھی پڑھیں