ڈاکٹرعاصم کا طبی معائنہ پسند کے ڈاکٹر سے کرایا جائے، سپریم کورٹ -
The news is by your side.

Advertisement

ڈاکٹرعاصم کا طبی معائنہ پسند کے ڈاکٹر سے کرایا جائے، سپریم کورٹ

کراچی : سپریم کورٹ نے سندھ رینجرز کو ڈاکٹر عاصم کا طبی معائنہ پسند کے ڈاکٹر سے کروانے کا حکم دے دیا.

عدالت نے ڈاکٹر عاصم کی اسپتال منتقلی کے حوالے سے سندھ رینجرز اور وفاق کو نوٹس جاری کردیئے ہیں، عدالت نے ریمارکس دیئے کہ سیکیورٹی کے معاملات انتہائی سنگین ہیں، ڈاکٹر عاصم کے تحفظ کا بھی خیال کرنا ہے۔

سابق وزیر کو اسپتال منتقل کئے جانے کی درخواست انکی اہلیہ کی جانب سے دائر کی گئی تھی، جس کی مزید سماعت سات اکتوبر کو ہوگی۔

دوسری جانب سندھ ہائیکورٹ میں رینجرز نے ڈاکٹر عاصم سے متعلق توہین عدالت کی درخواست کا جواب داخل کرادیا ہے، رینجرز نے مؤقف اختیار کیا کہ عدالتی حکم پر ملزم کو ضروری ادویات فراہم کی جارہی ہیں۔

توہین عدالت کی درخواست کی آئندہ سماعت تیرہ اکتوبر کو ہوگی۔

Comments

comments

یہ بھی پڑھیں