اسلام آباد: چیف جسٹس قاضی فائزعیسیٰ کے اسٹاف کے لیے تعیناتیوں کا عمل شروع ہوگیا، جزیلہ اسلم پہلی خاتون رجسٹرار سپریم کورٹ ہوں گی۔
تفصیلات کے مطابق قاضی فائز عیسیٰ کی جانب سے چیف جسٹس کا حلف اٹھانے کے بعد نئی تعیناتیاں ہورہی ہیں۔ اسی سلسلے میں جزیلہ اسلم کو رجسٹرار سپریم کورٹ تعینات کیا گیا ہے۔
جزیلہ اسلم پہلی خاتون رجسٹرار سپریم کورٹ ہوں گی۔ ترجمان سپریم کورٹ نے تعیناتیوں کے حوالے سے اعلامیہ جاری کردیا گیا ہے۔
اسلام آباد: جزیلہ اسلم رجسٹرار سپریم کورٹ تعینات، نوٹیفکیشن جاری#ARYNews pic.twitter.com/QsGpfsHxEd
— ARY NEWS (@ARYNEWSOFFICIAL) September 17, 2023
اعلامیے میں کہا گیا ہے کہ جزیلہ اسلم رجسٹرار سپریم کورٹ تعینات کی گئیں ہیں، محمد مشتاق کو سیکریٹری ٹو چیف جسٹس تعینات کیا گیا ہے۔
عبد الصادق چیف جسٹس کے اسٹاف افسر ہوں گے، اعلامیے کے مطابق جزیلہ اسلم کو 3 سال ڈیپوٹیش پر رجسٹرار سپریم کورٹ تعینات کیا گیا ہے۔ اس سے قبل جزیلہ اسلم ڈسٹرکٹ اینڈ سیشن جج لاہورتھیں۔
