The news is by your side.

Advertisement

سپریم کورٹ کے دو ججز اور لاہور ہائیکورٹ کے نئے چیف جسٹس نے حلف اٹھالیا

اسلام آباد : سپریم کورٹ کے دو ججز اور لاہور ہائی کورٹ کے نئے چیف جسٹس نے اپنے عہدون کا حلف اُٹھا لیا۔

تفصیلات کے مطابق سپریم کورٹ کے دو نئے جج صاحبان جسٹس منظور احمد ملک اور جسٹس سردار طارق نے اپنے عہدے کا حلف اٹھا لیا ہے۔

حلف برداری کی تقریب سپریم کورٹ ہال اسلام آباد میں منعقد ہوئی جس میں دونوں جج صاحبان سے سپریم کورٹ کے چیف جسٹس انور ظہیر جمالی نے ان کے عہدوں کا حلف لیا۔حلف اردو میں اٹھایا گیا۔

تقریب میں سپریم کورٹ کے سینئر جج صاحبان اٹارنی جنرل اور سینئر وکلاء کی بڑی تعداد موجود تھی۔

علاوہ ازیں لاہور ہائیکورٹ کے نئے چیف جسٹس اعجازالاحسن نے بھی اپنے عہد ے کا حلف اٹھا لیا ہے گورنر ہاؤس میں منعقدہ تقریب میں گورنر پنجاب رفیق رجوانہ نے جسٹس اعجازالاحسن سے حلف لیا۔

مذکورہ تقریب میں ،صوبائی وزرا، ججز، سینیئر وکلاء اوراعلیٰ سرکاری عہدیداران نے شرکت کی۔

Print Friendly, PDF & Email

Comments

comments

یہ بھی پڑھیں