The news is by your side.

Advertisement

گجر اور اورنگی نالہ متاثرین کیس: چیف جسٹس کے حکم پر وزیراعلیٰ سندھ عدالت میں پیش

کراچی : گجرنالہ اور اورنگی نالہ متاثرین کیس میں چیف جسٹس آف پاکستان کے طلب کرنے پر وزیراعلیٰ سندھ پیش ہوگئے جبکہ عدالت نے سندھ ہائی کورٹ سے جاری حکم امتناع ختم کردیے۔

تفصیلات کے مطابق سپریم کورٹ کراچی رجسٹری میں چیف جسٹس گلزار احمد کی سربراہی میں گجرنالہ اور اورنگی نالہ متاثرین کے کیس پر سماعت ہوئی، ایڈووکیٹ جنرل سندھ سلمان طالب الدین عدالت میں پیش ہوئے۔

چیف جسٹس نے استفسار کیا جی بتائیں کیاپیش رفت ہوئی؟ گجرنالہ متاثرین کی بحالی کے لئے ابتک کیاکیا؟ عملی طورپرگراؤنڈپرکیاہورہاہے ، جس پر ایڈووکیٹ جنرل سندھ نے بتایا وزیراعلیٰ سندھ نےرپورٹ جمع کرادی، کچھ مالی ایشوزآرہےہیں۔

عدالت نے ایڈووکیٹ جنرل سندھ کے جواب پر عدم اطمینان کا اظہار کرتے ہوئے کہا کیا ہورہا ہے، وزیراعلیٰ سندھ سے کہیں فوری پہنچیں۔

چیف جسٹس نے برہمی کا اظہار کرتے ہوئے کہ بلائیں وزیراعلیٰ سندھ کوابھی ان سےہی پوچھیں گے، آپ لوگ عدالت کامذاق اڑارہےہیں؟ یہ کیارپورٹ پیش کی ہے آپ نے؟

سپریم کورٹ نے سندھ ہائی کورٹ سے جاری حکم امتناع ختم کردیے، عدالت نے تمام تجاوزات کے خاتمے کا حکم دیتے ہوئے کہا جعلی لیز پر قائم مکانات، کمرشل تعمیرات فوری گرائی جائیں۔

خیال رہے سپریم کورٹ نے متاثرین کو متبادل جگہ آباد کرنے کا حکم دے رکھا تھا ، عدالت نے وزیراعلیٰ سندھ سےرپورٹ طلب کی تھی۔

Comments

یہ بھی پڑھیں