The news is by your side.

Advertisement

سپریم کورٹ میں ججوں کی تعداد بڑھانے کا بل قائمہ کمیٹی نے مسترد کردیا

اسلام آباد : قومی اسمبلی کی قائمہ کمیٹی برائے انصاف و قانون نے سپریم کورٹ میں ججوں کی تعداد بڑھانے کا بل مسترد کردیا۔

تفصیلات کے مطابق قومی اسمبلی کی قائمہ کمیٹی برائے انصاف و قانون کا اجلاس چیئرمین چوہدری محمود ورک کی زیرصدارت منعقد ہوا۔

اجلاس میں کمیٹی نے سپریم کورٹ میں ججوں کی تعداد بڑھانے کے بل پر بحث کی۔ چیئرمین قائمہ کمیٹی چوہدری محمود ورک کا کہنا تھا کہ جج صاحبان ان ہی کیسوں کی سماعت کرتے ہیں یا ازخود نوٹس لیتے ہیں جس کی اخبارات میں بڑی سرخی لگے اور ٹی وی پر بحث ہوسکے۔

انہوں نے کہا کہ وہ ججز صرف سماجی اور معاشی معاملات پر بات کرتے ہیں۔ قائمہ کمیٹی نے سپریم کورٹ میں ججوں کی تعداد بڑھانے کا بل مستردکرتے ہوئے کہا کہ سپریم کورٹ میں ججوں کی تعداد زیادہ ہے اس میں کمی کی جائے۔

 

Comments

comments

یہ بھی پڑھیں