لاہور: سپریم کورٹ میں کیس کی سماعت کے دوران وزیر ریلوے سعد رفیق نے ٹویٹ میں ’گالی‘ کا اشارہ کردیا۔
اے آر وائی نیوز کے مطابق وفاقی وزیر ریلوے اور مسلم لیگ ن کے رہنما سعد رفیق نے سماجی رابطے کی ویب سائٹ ٹویٹر پر ’گالی‘ کا اشارہ کرتے ہوئے لکھا کہ ’اقتدار رہے نہ رہے، سیاست بچے یا جائے انصاف کا دہرا معیار قبول نہ منظور نہ تسلیم۔‘
سعد رفیق نے اپنے ٹویٹ میں لکھا کہ ’ناانصافی کی بھڑکتی آگ بجھا کر جیو۔‘
انہوں نے اپنے ٹویٹ کے آخر میں گالی کے اشارے کا استعمال بھی کیا۔
اقتدار رھے نہ رھے
سیاست بچے یا جاۓ
انصاف کا دوھرا معیار
قبول نہ منظور نہ تسلیم
ناانصافی کی بھڑکتی آگ بجھا کر جیو🖕
— Khawaja Saad Rafique (@KhSaad_Rafique) July 25, 2022
شہباز گل کا ردعمل
پی ٹی آئی رہنما شہباز گل نے ردعمل دیتے ہوئے کہا کہ سعد رفیق نے جواشارہ کیا ہے وہ سپریم کورٹ کے لیے استعمال کیا اور معزز ججوں کو اشارہ کیا۔
انہوں نے کہا کہ سوشل میڈیا پرجو اشارے یہ کر رہے ہیں وہ ان کا انتخابی نشان ہونا چاہیے، یہ لوگ بدتمیز ہیں اور گالم گلوچ کرنا ن لیگ کا وطیرہ رہا ہے۔
شہباز گل نے کہا کہ ابھی تو پہلا ابال آیا ہے اورخواجہ جی گالم گلوچ پر آگئے ہیں۔
انہوں نے کہا کہ یہ ن لیگ کی روایت ہے مریم نواز خاتون ہونے کا فائدہ اٹھاتی ہیں اور کیا کچھ نہیں بولتیں۔
پی ٹی آئی رہنما نے کہا کہ دوست مزاری نے حلف لیا تھا دو نمبری نہیں کریں گے لیکن انہوں نے حلف لینے کے باوجود دو نمبری کی۔