سپریم کورٹ کا کمسن بچیوں کو ونی کیے جانے کا نوٹس -
The news is by your side.

Advertisement

سپریم کورٹ کا کمسن بچیوں کو ونی کیے جانے کا نوٹس

جیکب آباد: صوبہ سندھ کے شہر جیکب آباد میں منعقد ہونے والے غیر قانونی جرگے کا چیف جسٹس آف پاکستان نے نوٹس لے لیا۔ عدالت کے حکم پر پولیس نے مقدمہ درج کر کے 3 ملزم گرفتار کرلیے۔

جیکب آباد میں ناجائز تعلقات کے معاملے پر جرگہ منعقد ہوا جس میں جرگے نے جرمانہ نہ دینے پر ملزم کے بھائی کی 2 بیٹیوں کا رشتہ مخالف پارٹی کو دینے کا فیصلہ سنایا۔

اخبار میں خبروں کے شائع ہونے کے بعد چیف جسٹس آف پاکستان ثاقب نثار نے نوٹس لیتے ہوئے ڈی آئی جی لاڑکانہ سے رپورٹ طلب کرلی۔

ترجمان سپریم کورٹ کا کہنا ہے کہ جرگے نے ناجائز تعلقات کے معاملے پر ملزم پارٹی کو 13 لاکھ روپے ادا کرنے کا فیصلہ دیا تھا۔ جرمانے کی عدم ادائیگی پر جرگے نے ملزم کے بڑے بھائی کی 2 بیٹاں ونی کرنے کا فیصلہ دیا۔

میڈیا رپورٹس کے مطابق دونوں بچیوں کی عمر 4 اور 8 سال ہے۔

Comments

comments

یہ بھی پڑھیں