The news is by your side.

Advertisement

سپریم کورٹ کا نسلہ کے بعد ایک اور عمارت ایک ماہ میں گرانے کا حکم

کراچی: سپریم کورٹ نے نسلہ ٹاور کے بعد تجوری ہائٹس کو ایک ماہ میں گرانے کا حکم دے دیا اور کہا 3 ہفتے میں رہائشیوں کو معاوضہ ادا کیا جائے۔

تفصیلات کے مطابق سپریم کورٹ کراچی رجسٹری میں چیف جسٹس گلزار احمد کی سربراہی میں ریلوے اراضی پر تجوری ہائٹس کی تعمیر سے متعلق کیس کی سماعت ہوئی۔

تجوری ہائٹس کے وکیل رضاربانی نے عدالت کو بتایا میرے موکل جگہ خالی کرنے کو تیار ہیں، الاٹیز سے معاملات حل کرنے اور اسٹرکچر منہدم کرنے کیلئے مہلت چاہئے۔

سپریم کورٹ نے تجوری ہائٹس گرانے کا حکم دیتے ہوئے بلڈر کو ریکارڈ اور دیگرسامان نکالنے کی اجازت دے دی۔

عدالت کی جانب سے کمشنرکراچی کوانہدام کی نگرانی اور ایک ماہ میں اسٹرکچر گرانے کا عمل مکمل کرنے کا حکم دیتے ہوئے کہا الاٹیز کو 3ماہ میں معاوضہ ادا کیا جائے اور الاٹیز کو رقم واپس کرکے رپورٹ پیش کی جائے۔

سپریم کورٹ نے کمشنر کراچی اور بلڈر کو اسٹرکچر منہدم کرکے رپورٹ پیش کرنے کی ہدایت کردی۔

Comments

یہ بھی پڑھیں