The news is by your side.

Advertisement

سپریم کورٹ کا ایف آئی اے کے53 ملازمین کو فوری فارغ کرنے کا حکم

اسلام آباد : سپریم کورٹ نے ایف آئی اے کے53 ملازمین کو فوری فارغ کرنے کا حکم دیتے ہوئے ڈی جی ایف آئی اے واجد ضیاکو پندرہ دن میں رپورٹ جمع کرنے کی ہدایت کردی۔

تفصیلات کے مطابق سپریم کورٹ میں ایف آئی اے میں بھرتیوں سے متعلق کیس کی سماعت ہوئی ، چیف جسٹس کی سربراہی میں 3رکنی بینچ نے کیس کی سماعت کی۔

عدالت نے کہا پبلک سروس کمیشن ٹیسٹ انٹرویو کے بغیر آنیوالے تمام ملازمین فارغ کریں، جسٹس اعجازالاحسن نے ریمارکس دیئے سپریم کورٹ نے 2001   میں ملازمین بھرتی کیلئے3 ہدایات دی، چیف جسٹس کا کہنا تھا کہ عدالتی حکم کےمطابق تعیناتیاں پبلک سروس کمیشن کےذریعےکی جائے ، ایف آئی اے رپورٹ نے تو سب کچھ سامنے رکھ دیا ہے۔

وکیل ایف آئی اے نے بتایا کہ چار ملازمین فوت ہوچکے ہیں، جس پر چیف جسٹس نے کہا کہ ہائیکورٹ کا فیصلہ سپریم کورٹ فیصلے پر اثراندازنہیں ہوسکتا ، چسپریم کورٹ فیصلے کے بعد ملازمین دوسری عدالتوں میں چلے گئے۔

سپریم کورٹ نے ایف آئی اے کے53 ملازمین کو فوری فارغ کرنے کا حکم دیتے ہوئے ڈی جی ایف آئی اے واجد ضیاکو پندرہ دن میں رپورٹ جمع کرنے کی ہدایت کردی۔

Comments

یہ بھی پڑھیں