سپریم کورٹ نے پھانسی کے مجرم کی سزا پر عملدرآمد روک دیا -
The news is by your side.

Advertisement

سپریم کورٹ نے پھانسی کے مجرم کی سزا پر عملدرآمد روک دیا

اسلام آباد : سپریم کورٹ نے فوجی عدالت سے پھانسی کی سزا پانے والے صابر شاہ کو متعلقہ اپیلٹ فورم سے رجوع کرنے کی ہدایت جاری کرتے ہوئے اپیل کے فیصلے تک سزا پر عمل درآمد روکنے کا حکم جاری کر دیا.

تفصیلات کے مطابق جسٹس اعجاز افضل کی سربراہی میں دو رکنی بینچ نے فوجی عدالت سے سزا پانے والے صابر شاہ کی اپیل کی سماعت کی.

مجرم کے وکیل خالد رانجھا نے عدالت کو بتایا کہ فوجی عدالت نے صابر شاہ کو سزائے موت سنائی ہے.

صابر شاہ کی عمر سترہ سال ہے،عدالت نے صابر شا ہ کو متعلقہ اپیلٹ فورم سے رجوع کرنے کی ہدایت جاری کر دی اور کہا کہ اپیلٹ فورم کے فیصلے کے بعد ہائی کورٹ سے رجوع کیا جا سکتا ہے.

عدالت نے اپیلٹ فورم کی اپیل تک سزائے موت پر عمل درآمد روکنے کا حکم بھی جاری کر دیاہے، صابر شاہ پر لاہور میں ایک وکیل کے قتل کا الزام ہے۔

Comments

comments

یہ بھی پڑھیں