سپریم کورٹ نے رینجرزکے تمام مطالبے مسترد کردیئے -
The news is by your side.

Advertisement

سپریم کورٹ نے رینجرزکے تمام مطالبے مسترد کردیئے

کراچی : سپریم کورٹ نے رینجرز کو تھانے ، ایف آئی آر ، تفتیش اور چالان دینے کے مطالبے کو مسترد کردیا۔

تفصیلات کے مطابق کراچی بدامنی کیس میں سپریم کورٹ کراچی رجسٹری میں رینجرز کی جانب سے رپورٹ جمع کرائی گئی تھی ۔

رپورٹ  میں الزام لگایا گیا تھا کہ پولیس کی ناقص تفتیش اور افسران کے تبادلے کے باعث ملزمان رہا ہوجاتے ہیں اور حکومت سند ھ کی جانب سے پراسیکیوٹرز کی تعیناتی کا معاملہ بھی سست روی کا شکار ہے، لہذا ایف آئی آر، تفتیش اور چالان کے اختیارات فراہم کیے جائیں۔

سپریم کورٹ نے معاملے کو ایپکس کمیٹی مین اٹھانے کی ہدایت کی ہے جبکہ جسٹس خلجی عارف نے ریمارکس دئیے کہ وہ مطالبہ کریں جو قانون کے مطابق ہوں۔

عدالت نے قیام امن کیلئے رینجرز کے کردار کو سراہا، عدالتی فیصلے کے بعد رینجرز کے وکلاء کی جانب سے سپریم کورٹ کراچی رجسٹری میں رینجرز اختیارات سالانہ بنیادوں پر دیئے جانے کی درخواست دائر کردی۔

درخواست میں کہا گیا ہے کہ تھانہ، ایف آئی آر اورچالان پیش کرنے کے اختیارات نہ ملے تو قیام امن کیلئے مسائل میں اضافہ ہوسکتا ہے۔

 

Comments

comments

یہ بھی پڑھیں