سپریم کورٹ نے سابق اٹارنی جنرل عرفان قادر کا لائسنس بحال کردیا
The news is by your side.

Advertisement

سپریم کورٹ نے سابق اٹارنی جنرل عرفان قادر کا لائسنس بحال کردیا

اسلام آباد : سپریم کورٹ نے سابق اٹارنی جنرل عرفان قادر کا لائسنس بحال کردیا، چیف جسٹس آصف سعید کھوسہ نے کہا عرفان صاحب ویلکم بیک، امید ہے بینچ سےآپ کاتعلق اچھا رہے گا۔

تفصیلات کے مطابق سپریم کورٹ میں چیف جسٹس آصف سعید کھوسہ کی سربراہی میں 3رکنی بینچ نے سابق اٹارنی جنرل عرفان قادر کی لائسنس منسوخی سے متعلق کیس کی سماعت کی۔

سماعت میں عدالت نے سابق اٹارنی جنرل عرفان قادر کا لائسنس بحال کردیا، چیف جسٹس آصف سعید کھوسہ نے ریمارکس میں کہا توہین عدالت کا ایشو نہیں ہے ،پراسکیوشن کیلئے کوئی پیش نہیں ہوا،کسی کی التواءکی درخواست بھی نہیں آئی ۔

چیف جسٹس نے مزید کہا عرفان صاحب ویلکم بیک، امید ہے بینچ سے آپ کاتعلق اچھا رہے گا۔

گذشتہ روز سپریم کورٹ میں چیف جسٹس کی سربراہی میں تین رکنی بینچ نے سینئر وکیل عرفان قادر کو جاری کیے گئے توہین عدالت کے نوٹس کے معاملہ کو نمٹا دیا تھا سماعت کے دوران چیف جسٹس نے کہا تھا کہ لائسنس کی بحالی سے متعلق کیس آج مقرر نہیں۔

بعد ازاں سپریم کورٹ نے عرفان قادر کی لائسنس معطلی سے متعلق کیس (آج) جمعرات کو سماعت کیلئے مقرر کرنے کا حکم دیا تھا۔

یاد رہے سپریم کورٹ نے 2015 کے اوائل میں ججوں کے ساتھ بد تمیزی کرنے پر عرفان قادر کا لائسنس معطل کیاتھا اور توہین عدالت کانوٹس جاری کیا تھا۔

Comments

comments

یہ بھی پڑھیں