The news is by your side.

Advertisement

سپریم کورٹ نے کرونا سے متعلق احتیاطی تدابیر اختیار کرلیں

اسلام آباد: کروناوائرس کے پیش نظر سپریم کورٹ نے بھی احتیاطی تدابیر اختیار کرلیں، سپریم کورٹ میں صرف اہم مقدات کی سماعت ہوگی۔

تفصیلات کے مطابق ترجمان کا کہنا ہے کہ سپریم کورٹ میں معمول کے تمام مقدمات کو ڈی لسٹ کردیا گیا ہے، پرنسپل سیٹ اسلام آباد میں 3بنچز مقدمات کی سماعت کریں گے۔

ترجمان نے بتایا کہ 50 سال سے زائدعمر کے ملازمین اور خواتین کو گھروں سے کام کرنے کی ہدایت کی گئی ہے جبکہ کراچی اور لاہور رجسٹریوں میں صرف ارجنٹ مقدمات کی سماعت ہوگی۔

واضح رہے کہ پاکستان میں کرونا وائرس کے کیسز کی تعداد 666 ہو گئی ہے، وائرس سے مجموعی طور پر 3 افراد جاں بحق جبکہ 13 مریض صحت یاب ہو چکے ہیں۔

بلاول کا کرونا وائرس کا پھیلاؤ روکنے کے لیے ملک بھر میں لاک ڈاؤن کا مطالبہ

دوسری جانب چیئرمین پیپلزپارٹی بلاول بھٹو زرداری اور اپوزیشن لیڈر شہباز شریف نے کرونا وائرس کا پھیلاؤ روکنے کے لیے ملک بھر میں لاک ڈاؤن کا مطالبہ کیا ہے۔

خیال رہے کہ ملک میں مہلک وائرس سے لڑنے کے ہرممکن اقدامات کیے جارہے ہیں۔

fb-share-icon0
Tweet 20

Comments

comments

یہ بھی پڑھیں