نئی دہلی: بھارتی وزیر سرندرا جیت سنگھ اہلووالیہ نے حکومت کی ناکامی کا اعتراف کرتے ہوئے کہا ہے کہ پاکستان میں ہونے والی فضائی کارروائی کے نتیجے میں کوئی شخص جاں بحق نہیں ہوا۔
میڈیا سے گفتگو کرتے ہوئے سرندرا جیت سنگھ کا کہنا تھا کہ بھارتی فضائیہ کی سرجیکل اسٹرائیک سے پاکستان کا کوئی بڑا نقصان نہیں ہوا، ہلاکتوں کا دعویٰ بے بنیاد ہے۔
اُن کا کہنا تھا کہ وزیراعظم نریندر مودی نے فضائیہ کارروائی کے نتیجے میں 300 افراد کی ہلاکت کا دعویٰ کیا مگر اس کے ثبوت اور شواہد فراہم نہیں کیے گئے۔ بھارتی وزیر نے بی جے پی کے ترجمان کو بھی تنقید کا نشانہ بنایا۔
مزید پڑھیں: برطانوی صحافیوں نے بھی پاکستانی طیارہ گرانے کا بھارتی دعویٰ جھوٹا ثابت کر دیا
دوسری جانب بھارت کی اپوزیشن جماعتوں کی جانب سے پرزور مطالبہ کیا جارہا ہے کہ اگر پاکستان کے خلاف کی جانے والی فضائی کارروائی کامیاب رہی تو حکومت اُسے کے ثبوت فراہم کرے، ویڈیوز اور تصاویر جاری کیے بغیر کامیابی کا دعویٰ جھوٹ اور سیاست کے لیے ہے۔
یاد رہے کہ 25 اور 26 فروری کی درمیانی شب بھارتی طیاروں نے پاکستانی حدود کی خلاف ورزی کی تھی اور وہ جہاز کا ایونیشن گرا کر فرار ہوگئے تھے، بھارت نے کارروائی کے نتیجے میں کیمپ تباہ ہونے کا دعویٰ کیا تھا جبکہ حقیقت میں فیول ٹینک کے دھماکے سے درخت تباہ ہوئے تھے۔
ایک روز بعد بھارتی فضائیہ نے پھر پاکستانی حدود کی خلاف ورزی کی کوشش کی تو پاک فضائیہ کے شاہینوں نے بھارت کے دو طیارے مار گرائے تھے جبکہ ایک پائلٹ ابھی نندن کو زندہ گرفتار بھی کیا تھا۔
یہ بھی پڑھیں: ابھی نندن کی واپسی، ثانیہ مرزا بھارتی رنگ میں رنگ گئیں
وزیراعظم عمران خان نے اعلان کیا تھا کہ ہم خطے میں امن کی خاطر بھارتی پائلٹ کو رہا کرررہے ہیں جس کے بعد اُسے واہگہ بارڈر پر بھارتی حکام کے حوالے کیا گیا۔
