site
stats
پاکستان

بیوی سے جھگڑا، شوہر نے غصہ میں گیارہ ماہ کی بیٹی کو مار ڈالا

 کراچی : سرجانی ٹاؤن میں میاں بیوی کے جھگڑے نے شیرخوار بچی کی جان لے لی۔ملزم نے اپنے جرم کا اعتراف کرلیاہے ۔

تفصیلات کے مطابق کراچی کے علاقے سرجانی ٹاؤن میں شوہر نے بیوی سے جھگڑے کے بعد غصہ میں آکر اپنی گیارہ ماہ کی معصوم بچی کو تشدد کا نشانہ بنا کر مارڈالا۔

http://s10.postimg.org/fbfkqlj6h/child_pic.jpg

ملزم عامر کو باتھ روم میں صابن نہ ہونے پر غصہ تھا۔ بیوی کے جواب پر مشتعل ہوکر شیرخوار ماہ نور کے پیٹ پر زور سے لات ماری جس سے بچی ہلاک ہوگئی۔

سرجانی ٹاؤن میں شیرخوار بچی کےقتل کیس میں گرفتار ملزم باپ عامر نے اپنے ہی لخت جگر کو قتل کرنے کااعتراف کرلیا۔

پولیس کے مطابق ابتدائی پوسٹ مارٹم رپورٹ میں بتایا گیا ہے کہ بچی کی موت تشدد سے ہوئی۔ بچی کے جسم پر تشدد کے نشانات ہیں تاہم پوسٹ مارٹم کی حتمی رپورٹ آنے پر ملزم پرقتل کامقدمہ درج ہوگا۔

اس سے پہلے ملزم کے اہل خانہ نے بچی کی ماں کو نفسیاتی مریضہ قرار دیاتھا اور اسے موت کا ذمہ دار ٹھہرایا تھا۔ ملزم عامر کے اہل خانہ نے پولیس کی کارروائی کو یک طرفہ قرار دیا ہے۔

ایک رشتہ دار خاتون کا کہنا ہے کہ ماں اور باپ دونوں بچی کی موت کی ذمہ دار ہیں۔ بچی کی ماں کو بھی گرفتار کیاجائے۔ پولیس کا کہنا ہے کہ پوسٹ مارٹم کی حتمی رپورٹ آنے کے بعد ملزم باپ کیخلاف مقدمہ درج کیا جائے گا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top