زخموں سے چور چور قومی ٹیم کے لیے ورلڈکپ اسکواڈ چیلنج بن گیا۔
پے در پے کھلاڑیوں کی انجریز کے باعث ورلڈکپ کے لئے پاکستان ٹیم کے اسکواڈ میں سرپرائز انٹریز کا امکان ہے۔
ایشیا کپ میں بھارت کیخلاف بڑے مارجن سے ناکا می و انجریز پر چیف سلیکٹر انضام الحق بھی پریشان ہیں۔ چیف سلیکٹر انضمام الحق نے لوکل سلیکٹرز کیساتھ بڑی بیٹھک لگا لی۔
لاہور میں انضمام الحق کی سربراہی میں میٹنگ میں بڑے فیصلے ہوں گے۔ لوکل سلیکٹرز توصیف احمد ، وسیم حیدر، مسعود انوار ، محمد سلمان، محمود حامد، ثنااللہ،جاوید حیات شامل ہیں۔
انضمام الحق ٹیم ڈائریکٹر مکی آرتھر، ہیڈکوچ بریڈبرن اور کپتان بابر کو بھی اعتماد میں لیں گے۔
ورلڈکپ کے آغاز سے چند دن قبل ایشیاکپ میں قومی ٹیم کو انجریز کا سامنا ہے۔ فاسٹ بولر نسیم شاہ انجری کی وجہ سے ایشیاکپ سے باہر ہو گئے ہیں جب کہ فاسٹ بولر حارث رؤف کو آرام دیا گیا ہے۔
آل راؤنڈر سلمان آغا چہرے پر گیند لگنے سے زخمی ہوئے ہیں اور نوجوان بلے باز سعودشکیل بخار میں مبتلا ہیں۔
