The news is by your side.

Advertisement

قدرتی آفات میں جان بچانے والا کیپسول تیار

سائنسدانوں نے ایک ایسا سروائیول کیپسول بنا لیا ہے جو سونامی یا زلزلے جیسی قدرتی آفت میں جان بچانے میں مددگار ثابت ہوگی۔ جان بچانے والی کیپسول میں 2 سے 10 افراد کے بیٹھنے کی گنجائش ہے۔

امریکی سائنسدان جولین شارپ کی سربراہی میں ایرو اسپیس انجینیئرز کی ٹیم کی جانب سے ایسا سروائیول کیپسول بنایا گیا ہے جو قدرتی آفات میں لوگوں کی جان بچانے میں مدد دے گا۔ اسنوکر بال کی طرح دکھنے والی جان بچانے والی کیپسول میں 2 سے 10 افراد کے بیٹھنے کی گنجائش ہے۔

c1

سونامی یا سیلاب جیسے حالات میں یہ کیپسول پانی پر با آسانی تیر سکتا ہے۔ اس کے نیچے تیز دھار بلیڈر بھی لگائے گئے ہیں جو رواں پانی میں بھی تیر سکتا ہے۔

جولین شارپ کے مطابق پرسنل سیفٹی سسٹم ہونے کے باعث اس میں پانی کی سطح زیادہ ہوجانے سے بھی خطرہ لاحق نہیں ہوگا۔

سخت المونیم شیل اور فریم کے باعث یہ کیپسول باہر کے درجہ حرارت سے لڑنے کی صلاحیت بھی رکھتا ہے۔ کیپسول میں ایک بڑی محفوط کھڑکی بھی ہے جس سے مختلف حالات کے دوران باہر کا جائزہ لیا جاسکتا ہے۔

فی الحال یہ کیپسول اپنے آزمائشی مراحل میں ہے اور اسے مختلف حالات اور درجہ حرارت میں رکھ کر اس کی صلاحیت کو آزمایا جارہا ہے۔

Comments

comments

یہ بھی پڑھیں