site
stats
Uncategorized

بھارتی وزیر خارجہ سشما سوراج کل پاکستان پہنچ رہی ہیں

اسلام آباد: مشیر خارجہ سرتاج عزیز نے کہا ہے کہ بھارت سے مذاکرات کا ڈیڈ لاک کسی حد تک ختم ہوا ہے، بھارتی وزیر خارجہ سشما سوراج کل پاکستان پہنچ رہی ہیں۔

اسلام آباد کمیو نٹی کانفرنس سے خطاب اور میڈیا سے گفتگو کرتے ہوئے مشیر خارجہ سرتاج عزیز نے کہا کہ ملک کی پائیدار ترقی میں کمیونٹی کا اہم کردار ہے، سشما سوراج ہارٹ آف ایشیا کانفرنس میں شرکت کریں گی، بھارت کے ساتھ ڈیڈ لاک میں بریک تھرو ہوا ہے۔

انہوں نے کہا کہ بھارتی وزیراعظم نریندر مودی کی تجویز پر بینکاک میں پاک بھارت قومی سلامتی کے مشیروں کی ملاقات ہوئی، سشما سوراج کی باضابطہ ملاقات میرے ساتھ بھی ہوگی، پاک بھارت مذاکرات کے بغیر حالات نارمل نہیں ہوسکتے، تاشفین ملک کیس میں امریکہ کو ہر طرح معاونت فراہم کریں گے.

سرتاج عزیز کا کہنا تھا کہ افغان صدر اشرف غنی پرسوں پاکستان آرہے ہیں، ہارٹ ایشیاء کانفرنس سے بہت سی امیدیں وابستہ ہیں، خطے کے مسائل کے حل میں یہ کانفرنس بہت اہم ہے، کانفرنس میں شرکت کرنے والے ممالک کییلئے نیک خواہشات ہیں۔

انکا مزید کہنا تھا کہ پاک بھارت کرکٹ سریز کے حوالے سے بھارتی کرکٹ بورڈ کا جواب متوقع ہے، غربت کے حوالے سے سرمایہ کاری کو متحرک کرنے سے غربت کا خاتمہ ممکن ہے، ملک کی پائیدار ترقی میں کمیونٹی کا اہم کردار ہے، کمیونٹی کے فعال کردار سے پسے ہوئے طبقے کو بنیادی ضرورت فراہمی دلوائی جاسکتی ہے.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top