پاکستانی ہائی کمشنر کی سشما سوراج سے ملاقات ،پھر کلبھوشن کے معاملے پر نظرثانی کا مطالبہ
The news is by your side.

Advertisement

پاکستانی ہائی کمشنر کی سشما سوراج سے ملاقات ، ایک بار پھر کلبھوشن کے معاملے پر نظرثانی کا مطالبہ

نئی دہلی : بھارت میں پاکستان کے ہائی کمشنرسہیل محمود نے نئی دہلی میں بھارتی وزیرخارجہ سشما سوراج سے ملاقات کی۔

تفصیلات کے مطابق پاکستانی ہائی کمشنرسہیل محمود کا عہدہ سنبھالنے کے بعد بھارتی وزیرخارجہ سشما سوراج سے ملاقات ہوئی، جس میں پاک بھارت دوطرفہ تعلقات اور پاک بھارت سرحدی کشیدگی پر بھی بات چیت ہوئی۔

بھارتی میڈیا نے دعویٰ کیا ہے کہ ملاقات میں بھارتی وزیرخارجہ نے پاکستانی سفیر سے کلبھوشن کی سزائے موت کے فیصلے پر نظرثانی کا مطالبہ کیا۔

بھارت میں پاکستان کے ہائی کمشنر سہیل محمود کی بھارتی سلامتی کے مشیراجیت ڈوول اورسیکریٹری خارجہ جے شنکرسے ملاقات بھی متوقع ہے

خیال رہے گذشتہ ماہ عہدہ سنبھالنے والے پاکستانی ہائی کمشنرکیحالیہ تناؤ میں پاک بھارت حکام کے درمیان یہ پہلا اعلی سطح رابطہ تھا۔

واضح رہے کہ پاکستان کی فوجی عدالت نےکلبھوشن کوپھانسی کی سزاسنارکھی ہے، جس پر بھارت نے دس مئی کو عالمی عدالتِ انصاف کا دروازہ کھٹکھٹایا اور سزائے موت پر عملدرآمد روکنے کی درخواست دائر کی تھی۔

جس کے بعد عالمی عدالتِ انصاف نے کلبھوشن کیس میں اپنا فیصلہ سناتے ہوئے کہا تھا کہ پاکستان بھارت کو کلبھوشن تک قونصلر رسائی دے‘ اور امید ہے کہ پاکستان عالمی عدالت کا مکمل فیصلہ آنے تک کلبھوشن کو سزا نہیں دی جائے گی۔

کلبھوشن کیس کی سماعت آئی سی جے میں اب جنوری 2018 میں ہونے کا امکان ہے۔


مزید پڑھیں : سہیل محمود بھارت میں پاکستانی ہائی کمشنر تعینات


یاد رہے کہ قبل از وقت ریٹائرمنٹ لینے والے عبدالباسط کی جگہ سہیل محمود کو پاکستانی ہائی کمشنر تعینات کیا گیا تھا ، ترکی میں پاکستانی سفیر کی حیثیت سے تعیناتی سے قبل سہیل محمود دفتر خارجہ میں ایڈیشنل سیکریٹری کے ذمہ داریاں نبھا رہے تھے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments

comments

یہ بھی پڑھیں