سشمتا کا کم عمر دوست سے شادی کا فیصلہ -
The news is by your side.

Advertisement

سشمتا کا کم عمر دوست سے شادی کا فیصلہ

ممبئی: بالی ووڈ اداکارہ سشمتا سین آئندہ برس نوجوان ماڈل کے ساتھ ازدواجی بندھن میں بندھنے جارہی ہیں، روہمن عمر کے حساب سے 15 برس چھوٹے ہیں۔

بھارتی میڈیا کے ذرائع نے دعویٰ کیا ہے کہ 42 سالہ اداکارہ و سابق مس یونیورس نے اپنے سے 15 سال چھوٹے 27  سالہ ماڈل کو جیون ساتھی منتخب کرنے کا فیصلہ کیا، دونوں آئندہ برس شادی کرنے جارہے ہیں۔

View this post on Instagram

#clickclick #friends #team & the #love of life!!!😍💃🏻😁#memorable #cherished #tajmahal ❤️ I love you guys!!!!💋

A post shared by Sushmita Sen (@sushmitasen47) on

اداکارہ کے قریبی ذرائع کا کہنا تھا کہ ’سشمتا سین اور روہمن کے درمیان گہری دوستی ہے اور دونوں ایک دوسرے کو بہت پسند بھی کرتے ہیں اسی وجہ سے انہوں نے آئندہ برس شادی کرنے کا فیصلہ کیا‘۔

میڈیا ذرائع کے مطابق روہمن نے گزشتہ دنوں اداکارہ سے محبت اور شادی کرنے کا اظہار کیا جسے انہوں نے فورا تسلیم کیا اور اپنی بھی خواہش کے بارے میں بتایا۔

مزید پڑھیں: ارجن کپور اپنے سے 12 سالہ بڑی اداکارہ سے شادی کرنے کو تیار

ایک اور ذرائع نے بھارتی میڈیا کو بتایا کہ سشمتا کی لے پالک صاحبزادیاں رینی اور علیسا اپنی والدہ اور روہمن کی دوستی کو آئندہ برس 2019 تک ازدواجی رشتے میں بدلنا چاہتی ہیں۔

روہمن نے اداکارہ کی رہائش پر ہونے والی دیوالی کی تقاریب میں شرکت کی اور اپنی تصاویر سوشل میڈیا پر بھی پوسٹ کیں جس میں سشمتا اور اُن کی صاحبزادیاں بھی موجود تھیں‘۔

یہ بھی دیکھیں: چہرے کی سرجری کے بعد سشمتا کی نئی تصویر وائرل

علاوہ ازیں دونوں نے شلپا شیٹھی کے گھر پر منعقد ہونے والی دیوالی کی تقریب میں بھی ایک ساتھ شرکت کی، اس میں سشمتا روہمن کے ساتھ جس انداز سے داخل ہوئیں اُسے دیکھ کر انڈسٹری میں جاری قیاس آرائیاں مزید تقویت اختیار کرگئیں۔

Comments

comments

یہ بھی پڑھیں