کراچی: رینجرز کے ہاتھوں گرفتار منہاج قاضی نے دوران تفتیش ایم ڈی کے ای ایس سی شاہد حامد کے قتل کا اعتراف کرلیا۔
ذرائع کے مطابق منہاج عرف قاضی نے صولت مرزا کے ہمراہ ایم ڈی کے ای ایس سی شاہد حامد کو قتل کیا جس کے بعد اسے ملک چھوڑنے کاکہا گیا ۔
منہاج قاضی کے مطابق قتل کے بعد وہ بنگلہ دیش،سری لنکا اور جنوبی افریقہ میں روپوش رہا۔
ذرائع کے مطابق منہاج قاضی نے دوران تفتیش اپنے دیگر ساتھیوں کے نام بتائے ہیں،جن کی گرفتاری کیلئے بھی کوششیں کی جارہی ہیں۔