نیویارک: امریکا کے شہر نیویارک میں نامعلوم اور مشکوک شخص نے خاتون پولیس اہلکار کو تشدد کر کے زخمی کردیا۔
نیویارک پولیس کی جانب سے دل دہلا دینے والے واقعے کی فوٹیج جاری کی گئیں، جس میں دیکھا جاسکتا ہے کہ ایک دکان میں مشکوک شخص کو دیکھ کر خاتون اہلکار وہاں پہنچیں اور شناخت کے حوالے سے دریافت کیا۔
نامعلوم اور مشکوک شخص نے خود کو دکاندار ظاہر کیا مگر جب نیویارک پولیس ڈیپارٹمنٹ کی اہلکار نے روک کر تفتیش کی کوشش کی تو اُس نے دھکا دے کر فرار ہونے کی کوشش کی، پھر ناکامی اور پکڑے جانے پر اُس نے خاتون اہلکار پر تشدد کیا۔
مشکوک شخص نے خاتون اہلکار کے منہ پر اتنی زور سے مکا مارا کہ وہ زمین پر ہی گر گئیں اور پھر ’دکان دار‘ وہاں سے فرار ہوگیا۔
نیویارک پولیس کے مطابق واقعہ 34اسٹریٹ مورے ہل میں جمعے کی صبح ساڑھے گیارہ بجے کے قریب پیش آیا۔
مقامی افراد نے خون میں لت پت اہلکار کو قریبی اسپتال پہنچایا جہاں اُسے ہنگامی طبی امداد دے کر گھر روانہ کردیا گیا۔
WANTED for An Assault of a Police Officer: On Wednesday 12/10/21 inside of 155 East 34th St. Duane Reade @nypd17thpct. A unknown individual punched a uniformed NYPD Sergeant several times causing injury. Call @ 800-577-TIPS or DM NYPDTips Reward up to $3500.00 pic.twitter.com/D9EXL5tpR9
— NYPD Crime Stoppers (@NYPDTips) December 11, 2021
محکمہ پولیس نے اس واقعے کی سی سی ٹی وی فوٹیج سماجی رابطے کی ویب سائٹ پر شیئر کی اور شہریوں سے ملزم کی شناخت میں مدد مانگی ہے۔
پولیس کو شبہ ہے کہ اس واقعے کے پیچھے بدنامِ زمانہ ’اون ڈالر گینگ‘ ملوث ہے کیونکہ اس گروہ کے اراکین مختلف اسٹورز، دکانوں میں داخل ہوکر چوریاں کرتے ہیں۔