The news is by your side.

Advertisement

مشتبہ ٹرانزیکشنز : نیب نے خواجہ آصف کے خلاف ایک اور کیس کھول لیا

لاہور: مسلم لیگ ن کے مرکزی رہنما اورسابق وزیردفاع خواجہ آصف کی مشکلات میں اضافہ ہوگیا، نیب نے بیرون ملک چاول کی برآمدات میں مشتبہ ٹرانزیکشنز کی شکایات پر تحقیقات کا آغاز کردیا ہے۔

تفصیلات کے مطابق سابق وزیر دفاع خواجہ آصف کے خلاف قومی احتساب بیورو لاہور نے ایک اور کیس کھول لیا ہے، ذرائع کا کہنا ہے کہ نیب نے خواجہ آصف کی مبینہ کمپنی طارق میر اینڈ کمپنی کے لائسنس پر کاروباری تفصیلات طلب کرلی ہیِں۔

نیب کیجانب سے خواجہ آصف کی مبینہ طارق اینڈ کمپنی سے برآمدات کا کاروبار کرنے والے تمام افراد کو طلب کیاگیاہے جبکہ نیب نے محمد عثمان، انوار الرحمان سمیت دیگر شامل تفتیش افراد کو آج طلب کر رکھا ہے۔

بیرون ملک چاول کی برآمدات میں مشتبہ ٹرانزیکشنز کی شکایات پر تحقیقات کاآغاز کیا گیا ہے۔

یاد رہے خواجہ آصف کیخلاف کینٹ ویوہاؤسنگ سوسائٹی سیالکوٹ کیس میں بھی تحقیقات جاری ہے،  نیب ذرائع کے مطابق خواجہ آصف پر الزام ہے کہ انہوں نے موجودہ زمین سے زیادہ فروخت کر دی۔

خواجہ آصف پر اختیارات سے تجاوز کرنے کا بھی الزام ہے ، خواجہ آصف نے اختیارات کا استعمال کرتے ہوئے ہاؤسنگ سوسائٹی کےلیے ایک سو سینتیس کنال راضی پر مبینہ طور قبضہ کر کہ غیرقانونی فروخت کاالزام ہے۔

خواجہ آصف کی اہلیہ، بیٹے اور سابق میئرسیالکوٹ توحید اختر چودھری کو بھی شامل تفتیش کیا جا چکا ہے۔

Comments

یہ بھی پڑھیں