سوات: سابق رکن قومی اسمبلی عدنان اورنگزیب ٹریفک حادثے میں جاں بحق ہوگئے۔
اے آر وائی نیوز کے مطابق سابق رکن قومی اسمبلی عدنان اورنگزیب ہری پور یونیورسٹی میں لیکچر دینے کے بعد اسلام آباد جارہے تھے کہ ان کی گاڑی حادثے کا شکار ہوئی جس کے نتیجے میں وہ جاں بحق ہوگئے۔
عدنان اورنگزیب سابق گورنر میاں گل اورنگزیب کے صاحبزادے تھے۔
خاندانی ذرائع نے ان کے انتقال کی تصدیق کرتے ہوئے بتایا کہ عدنان اورنگزیب کی میت کو سوات منتقل کیا جارہا ہے۔
وزیراعلیٰ خیبر پختونخوا محمودخان نے میاں گل عدنان اورنگزیب کے انتقال پر اظہار افسوس کرتے ہوئےکہا ہے کہ وہ اہل خانہ کے غم میں برابرکے شریک ہیں۔
خاندانی ذرائع کا کہنا ہے کہ ان کی نمازجنازہ منگل کو دن 11 بجے سوات میں ادا کی جائے گی۔
وزیراعلی خیبر پختونخوا @IMMahmoodKhan کا ٹریفک حادثے میں شہزادہ میاں گل عدنان اورنگزیب کے انتقال پر اظہار افسوس۔
وزیر اعلی کا سوگوار خاندان سے دلی ہمدردی اور تعزیت کا اظہار۔
وزیر اعلی کا مرحوم کی مغفرت اور پسماندگان کے لئے صبر جمیل کی دعا۔ pic.twitter.com/YemPV5HpuG
— CM KP Updates (@CMKPUpdates) May 30, 2022
