تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

اسٹاک ہوم کے انڈسٹریل ایریا میں زور دار دھماکا، پانچ افراد زخمی

اسٹاک ہوم : سوئیڈش دارالحکومت کے صنعتی علاقے میں خوفناک دھماکے کے نتیجے میں پانچ افراد زخمی ہوگئے جبکہ قریبی عمارتوں اور گھروں کو شدید نقصان پہنچا۔

تفصیلات کے مطابق سوئیڈن کے دارالحکومت اسٹاک ہوم آج صبح زور دار دھماکے سے لرز اٹھا، دھماکا اسٹاک ہوم کے انڈسٹریل ایریا میں ہوا جس کے نتیجے میں 5 پانچ افراد زخمی ہوگئے جبکہ ہوٹل اور گاڑیوں کے شیشے ٹوٹ گئے۔

پولیس نے زخمیوں کی تصدیق کرتے ہوئے بتایا کہ حادثے کے باعث پانچ افراد زخمی ہوئے تھے جنہیں طبی امداد فراہم کرنے والے عملے نے موقع پر ہی طبی امداد فراہم کردی تھی تاہم دو زخمیوں کو اسپتال منتقل کیا گیا ہے جن کی حالت تشویش ناک ہے۔

سوئیڈش پولیس نے جائے وقوعہ پر پہنچ کر علاقے کو گھیرے میں لے کر تحقیقات کا آغاز کردیا ہے۔

دھماکے کے عینی شاہدین کا کہنا ہے کہ ’ہم تقریباً 1 بجے اٹھے تو دیکھا دھماکے کے باعث ہمارے گھر کے کھڑکی اور دروازے ٹوٹ چکے ہیں اور دھوئیں کے کالے بادل اسٹاک ہوم کی فضا میں بلند ہورہے ہیں۔

خیال رہے کہ اسٹاک ہوم سوئیڈن کا دارالحکومت اور سیاحت کا اہم مرکز ہے، جہاں اسٹاک ہوم کے 14 جزیروں پر جنہیں 50 پلوں سے جوڑا گیا ہے کہ ہزاروں افراد سیاحت کی غرض سے آتے ہیں۔

Comments

- Advertisement -