The news is by your side.

Advertisement

سندھ حکومت نے سمندر میں نہانے پر دفعہ 144 کے تحت پابندی عائد کردی

کراچی: سندھ حکومت نے سمندر میں نہانے پر دفعہ 144 کے تحت پابندی عائد کردی جس کا نوٹیفکیشن بھی جاری کردیا گیا ہے۔

تفصیلات کے مطابق سندھ حکومت نے سمندر میں نہانے پر دفعہ 144 کے تحت پابندی لگادی، آج اور کل کراچی کی حدود میں ساحلوں پر نہانے پر پابندی ہوگی۔

محکمہ داخلہ سندھ کے مطابق 31 دسمبر تا یکم جنوری 2019 کو بھی سمندر میں نہانے پر پابندی ہوگی، کمشنر کراچی نے سمندر میں نہانے پر پابندی لگانے کی سفارش کی تھی۔

محکمہ داخلہ سندھ کے مطابق کرسمس، سال نو کے موقع پر سمندر میں نہانے پر پابندی لگائی گئی ہے، سمندر میں نہانے پر پابنددی شہریوں کے تحفظ کے لیے لگائی گئی ہے۔

مزید پڑھیں: کراچی: دفعہ 144 نافذ، سمندر میں نہانے پر پابندی

سندھ حکومت کی جانب سے عائد ہونے والی پابندی کے بعد ساحل سمندر پر پولیس اہلکاروں کو تعینات کیا جائے گا اور خلاف ورزی کرنے والوں کے خلاف سخت کارروائی عمل میں لائی جائے گی۔

واضح رہے کہ سندھ حکومت کی جانب سے حفاظتی تدابیر کو پیش نظر رکھتے ہوئے سمندر میں نہانے پر پابندی عائد کی جاتی ہے کیونکہ ان ایام میں منچلے نوجوان بڑی تعداد میں سمندر کا رخ کرتے ہیں اور جذبات میں آکر قیمتی جان تک گنوا بیٹھتے ہیں۔

Comments

comments

یہ بھی پڑھیں