لاہور: سوائن فلو کا خدشہ، ڈی جی ہیلتھ سروسز پنجاب کا الرٹ جاری -
The news is by your side.

Advertisement

لاہور: سوائن فلو کا خدشہ، ڈی جی ہیلتھ سروسز پنجاب کا الرٹ جاری

لاہور: سوائن فلو کے خدشے کے پیشِ نظر ڈی جی ہیلتھ سروسز پنجاب نے الرٹ جاری کردیا ہے۔

تفصیلات کے مطابق ڈی جی ہیلتھ سروسز پنجاب نے سوائن فلو کے خدشے کے پیشِ نظر الرٹ جاری کردیا ہے، ڈی جی ہیلتھ سروسز کےمراسلے کی کاپی اے آر وائی نیوز نے حاصل کرلی ہے۔

مراسلے میں اسپتالوں کے ایم ایس کو خصوصی انتظامات کی ہدایت کی گئی ہے اور کہا ہے کہ پنجاب میں سوائن فلوکےچندکیسز رپورٹ ہوئے ، سوائن فلو کے علاج کیلئے ادویات کی موجودگی یقینی بنائی جائے۔

ڈی جی ہیلتھ سروسز کےمراسلے میں ڈاکٹرز ،نرسز ،پیرا میڈیکل اسٹاف کو بھی احتیاطی تدابیر اختیار کرنے کی ہدایت کرتے ہوئے کہا ہے کہ سوائن فلو سے متعلق اسپتال کے عملے کو آگاہی فراہم کی جائے۔

سوائن فلو کی علامات


سوائن فلوسانس کی نالی میں خرابی کی بیماری ہے۔ یہ وائرس جانوروں سے انسانوں میں منتقل ہوکراس کے دفاعی نظام کو کم زورکردیتا ہے۔

اس جان لیوا بیماری میں مبتلا فرد کے چھینکنے اور کھانسنے سے کسی دوسرے انسان کو بھی یہ وائرس منتقل ہوسکتا ہے، سوائن فلو میں مبتلا فرد کو بخار، کھانسی، گلے میں خراش، ناک بہنے کے علاوہ جسم میں درد، تھکاوٹ، سردی لگنے، قے اور چھینکنے کی شکایت ہوتی ہے۔

سوائن فلو کی احتیاطی تدابیر


سوائن فلو کا شکارمریض جن میں مرض کی ابتدائی علامات ظاہر ہورہی ہوں انہیں ورزش کرنی چاہیے اورگہرے سانس لینا چاہیے جبکہ ذہنی پریشانی اورتناؤ سے خود کو دور رکھنا چاہئے،اس مرض کی شدت میں مریض کو زیادہ نیند لینی چاہیےاوروٹامنز کا تواتر سے استعمال اور زیادہ وقت دھوپ میں گزارنا مرض کی شدت میں کمی کرتا ہے۔

مریض و چاہیے کہ اپنی غذا میں میٹھے کا استعمال ترک کردے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments

comments

یہ بھی پڑھیں