The news is by your side.

Advertisement

سوئس حکومت نے جے یو آئی ف رہنما ارباب فاروق کو پشاور چالان بھجوادیا

پشاور: سوئس حکومت نے جے یو آئی ف کے رہنما ارباب فاروق کو ٹریفک قوانین کی خلاف ورزی  پر چالان پشاور بھیج دیا،   ارباب فاروق کا کہنا ہے کہ اٹلی میں مقیم دوست کے ذریعے جرمانہ ختم کروانے اور چالان جمع کروانے کی کوشش کر رہا ہوں۔

تفصیلات کے مطابق سوئس حکومت نےجے یو آئی ف کے رہنما ارباب فاروق کو چالان پشاور بھیج دیا، ارباب فاروق کو ایک سو نو یورو جرمانے کا چالان بھجوایا گیا جبکہ چالان بروقت جمع نہ کروانے پر تین سو ایک یورو کا چالان بھی بھیجا۔

ارباب فاروق نے چند ماہ قبل سویٹزرلینڈ کا تفریحی دورہ کیا تھا، جہاں انھوں نے سوئس ٹریفک قوانین کی خلاف ورزی کی تھی۔

ارباب فاروق نے کہا کہ اٹلی میں مقیم دوست کے ذریعے جرمانہ ختم کروانے اور چالان جمع کروانے کی کوشش کر رہا ہوں، ایک سو نو یورو والا چالان تاخیر سے ملا جس کی وجہ سے بروقت جمع نہ کروا سکا۔

سیاسی رہنما کا کہنا تھا کہ  ہمیں بھی  سویٹزرلینڈ کی طرح   ٹریفک کے قوانین کا نظام  بنانا چاہیئے  جو کہ انتہائی قابل قدر ہے۔

جے یو آئی ف کے رہنما مزید کہا کہ وہ رقم لازمی جمع کرائیں گے اور شہریوں کو بھی تلقین کی کہ ملک کے قوانین کی تعمیل کریں تاکہ  دنیا بھر  میں ایک پیغام جاسکے کہ ہم قانون کی پاسداری کرنے والے لوگ ہیں۔

Comments

comments

یہ بھی پڑھیں