اسلام آباد: وفاقی وزیرِ خزانہ اسحاق ڈار کا کہنا ہے کہ سوئزرلینڈ نے پاکستان کو معلومات فراہم کرنے پر رضا مندی کردی ہے‘ پاکستانیوں کے خفیہ سوئس اکاؤنٹس میں 200 ارب ڈالر سے زائد رقم موجود ہے۔
تفصیلات کے مطابق قومی اسمبلی میں پالیسی بیان دیتے ہوئےکہا ہے کہ سوئس حکومت پاکستان کو خفیہ اکاؤنٹس کی معلومات دینے پر رضامندی ظاہر کردی تھی۔
انہوں نے کہا کہ سوئٹزر لینڈ سے سنہ 2013 میں اس حوالے سے رابطہ کیا گیا تھا۔ سوئس حکومت کے ساتھ اس حوالے سے 21 مارچ کو معاہدے پر دستخط کیے جائیں گے جس کے بعد معلومات کا تبادلہ ممکن ہوسکے گا۔
یاد رہے کہ یہ سمجھا جاتا ہے کہ پاکستان کے کئی اہم افراد نے سوئس بینکوں میں اپنی غیر قانونی دولت رکھی ہوئی ہے اوران معلومات کے حصول سے کئی بڑے نام بے نقاب ہوجائیں گے۔
دوسوارب ڈالرزکی واپسی
ماہرمعاشیات محمد سہیل کا کہنا تھا کہ پاکستان اور بھارت کے کئی لوگ اپنا غیر قانونی پیسہ ٹیکس بچانے کے لیے سوئس بینکوں میں رکھتے ہیں۔ ایک محتاط اندازے کے مطابق پاکستانیوں کے 200 ارب ڈالر سوئس بینکوں میں موجود ہیں۔
پاکستان کی وفاقی کابینہ سنہ 2013 ستمبر میں ٹیکس معاہدے میں ترامیم کرنے کی منظوری تھی‘ سوئس حکام کے حوالے سے پہلے ہی یہ بات منظرعام پر آچکی ہے کہ پاکستانیوں کے 200ارب ڈالر سوئس بینکوں میں موجود ہیں۔
اس وقت یہ بات بھی منظر عام پر آئی تھی کہ سوئس حکام کے مطابق سوئیزرلینڈ کے 10بڑے بینکوں میں پاکستانیوں کے 50خفیہ اکاؤنٹس کا پتہ چلاہے۔
