The news is by your side.

Advertisement

سوئس وفد نے سوات کا دورہ کیا، جنت نظیروادی کو حقیقی سوئیزر لینڈ قرار دے دیا

سوات : سوئیز لینڈ کے سفیر کی قیادت میں دس رکنی وفد نے ایشیا کے سوئیزر لینڈ سوات کا دورہ کیا،جنت نظیر وادی سوات جس کو ایشیا کا سویٹیزر لینڈ بھی کہا جاتا ہے۔

تفصیلات کے مطابق سوئس سفیر تھا مس کولے کی قیادت میں دس رکنی وفد نے گزشتہ روز سوات کا دورہ کیا، اس دورے کا اہتمام صوبائی وزیر سیاحت عاطف خان کی جانب سے کیا گیا تھا۔

اپنے دورے کے دوران وفد نے خوشگوار حیرت کا اظہار کیا اور سوات کو حقیقی سویئزر لینڈ قرار دیا ، اس موقع پر محفل موسیقی کا بھی اہتمام کیا گیا تھا، وفد کے ارکان مقامی موسیقی سے بھی خوب لطف اندوز ہوئے۔

وفد نے تاریخی مقامات سوات میوزیم ،گل کدہ آثار قدیمہ، بریکوٹ سٹوپہ اور دیگر مقامات کا دورہ کرکے یہاں پر سیاحت کے فروغ کی خواہش ظاہر کی۔

بعد ازاں صوبائی وزیر سیاحت عاطف خان کی جانب سے وفد کیلیے عشائیے کا بھی اہتمام کیا گیا اور ان کو روایتی شال بھی پہنا ئے گئے۔

Comments

comments

یہ بھی پڑھیں