The news is by your side.

Advertisement

سوئٹزرلینڈ میں امام مسجد سمیت 4 افراد گرفتار

زیورخ : سوئٹزرلینڈ میں سیکیورٹی اداروں نے ایک مسجد پر چھاپہ مار کارروائی کے دوران امام مسجد سمیت 4 مشتبہ افراد کو گرفتار کر لیا ہے۔

بین الاقوامی میڈیا کے مطابق سوئٹزرلینڈ میں واقع ایک مسجد پر سیکیورٹی اداروں کی جانب سے چھاپہ مارا گیا ہے، چھاپہ مار کارروائی میں امامِ مسجد سمیت 4 افراد کو گرفتار کر لیا ہے۔

مسجد سے گرفتار کیے گئے افراد کو نامعلوم مقام پر منتقل کردیا گیا ہے جہاں تفتیشی عمل جا رہی ہے،گرفتار کیے گئے افرد سے اہم معلومات حاصل ہونے کا امکان ہے جس کی روشنی میں مزید شدت پسندوں کو قانون کی گرفت میں لایا جائے گا۔

ذرائع کے مطابق مسجد سے گرفتار کیے گئے افراد پر نوجوانوں کو داعش میں شمولت اختیار کرنے کے لیے ذہن سازی اور مالی معاونت کا الزام ہے،کارروائی داعش کا حصہ بننے والے چند نوجوانوں کی گرفتاری کے بعد تحقیقات کے بعد عمل میں لائی گئی۔

واضح رہے دنیا بھر میں بڑھتے ہوئے دہشت گردی کے واقعات اور شدت پسندی میں اضافے کے باعث بین الاقوامی سطح پر مذہبی رجحان رکھنے والے افراد اور عبادت گاہوں کی سخت نگرانی کا عمل جا ری ہے،سوئٹزر لینڈ میں ہونے والی کارروائی بھی اسی تناظر میں عمل میں لائی گئی ہے۔

Print Friendly, PDF & Email

Comments

comments

یہ بھی پڑھیں