The news is by your side.

Advertisement

کشمیریوں کی شناخت پر کوئی سمجھوتہ نہیں کیا جائے گا: سید علی گیلانی

سرینگر: مقبوضہ کشمیر میں کل جماعتی حریت کانفرنس کے چیئرمین سیدعلی گیلانی نے وادی کشمیرجموں ریجن اور لداخ کے عوام سے چٹان کی طرح متحد رہنے کی اپیل کرتے ہوئے اس عزم کا اعادہ کیا ہے کہ کشمیری عوام اپنی شناخت، مذہب اور عزت و وقار پر کوئی سمجھوتہ نہیں کریں گے۔

اپنے ایک پیغام میں بزرگ رہنماء سید علی گیلانی نے اس بات پر اعتماد کا اظہار کیا کہ کشمیری عوام کی بے مثال قربانیاں ہر گز رائیگا نہیں جائیں گی اور کشمیر کی آزادی کا سورج جلد ہی طلوع ہوگا۔

انہوں نے تمام کشمیری سیاست دانوں پر زور دیا کہ وہ کشمیریوں کے خلاف بھارت کے مذموم عزائم میں اس کا آلہ کار بننے سے اجتناب کریں۔

سیدعلی گیلانی نے کشمیرپولیس کے اہلکاروں سے کہا کہ وہ بھارت کی سہولت کاری سے گریز کریں تاکہ ان کی اپنی مائیں، بہنیں اور بھائی بھارت کے مکروہ ہندتوانظریہ کا غلام بننے سے محفوظ رہیں۔

دنیا کو حریت رہنما سید علی گیلانی کی کال کو سنجیدگی سے لینا چاہئے، شاہ محمود قریشی

انہوں نے کہا کہ تحریک آزادی میں تیزی کیلئے جلد ہی معاشرے کے تمام طبقوں کیلئے آزادی کیلنڈر جاری کیاجائے گا۔ سیدعلی گیلانی نے حریت رہنماﺅں پر زور دیا کہ وہ عوام الناس کے ساتھ مکمل طور پر وابستہ رہیں اور بھارت کے قبضے کے خلاف ان کی جدوجہد میں رہنمائی کریں۔

Comments

comments

یہ بھی پڑھیں