The news is by your side.

Advertisement

سوشل پروٹیکشن پیپلزپارٹی کا انتخابی منشور ہے، وزیراعلیٰ سندھ

کراچی: وزیراعلیٰ سندھ سید مراد علی شاہ نے کہا ہے کہ سوشل پروٹیکشن پیپلزپارٹی کا انتخابی منشور ہے، عوام نے پیپلزپارٹی کو سوشل پروٹیکشن کے وعدے پر ووٹ دئیے ہیں۔

تفصیلات کے مطابق وزیراعلیٰ سندھ سید مراد علی شاہ سے فیملی پلاننگ واشنگٹن بل گیٹس فاؤنڈیشن کے وفد نے ملاقات کی، ملاقات میں وزیر صحت عذرا پیچوہو، پرنسپل سیکریٹری ساجد جمال ودیگر موجود تھے۔

وزیر اعلیٰ سندھ نے کہا کہ سندھ حکومت 2020 کے خاندانی منصوبہ بندی کے اہداف حاصل کرے گی، فیملی پلاننگ فنڈنگ وفاقی حکومت سے آتی ہے، ہماری حکومت آبادی کی بہتری کے لیے اقدامات کررہی ہے۔

مراد علی شاہ نے کہا کہ فلاح و بہبود، روزگار، اچھی تعلیم و صحت میں کام کرنا چاہتے ہیں، سوشل پروٹیکشن کے تحت خواتین، بزرگ شہریوں کا خیال رکھا گیا۔

مزید پڑھیں: وزیراعلیٰ سندھ کا پوری صفائی کا کام دستاویزی طریقے سے کرنے کا حکم

وزیراعلیٰ سندھ نے کہا کہ سوشل سیکیورٹی پروٹیکشن اتھارٹی قائم کرنے کے لیے غور کررہے ہیں، یہ اتھارٹی غربت کے خاتمے کے لیے اقدامات کرے گی۔

انہوں نے کہا کہ شارٹ ٹرم اقدام پر سوشل پروٹیکشن اسٹرٹیجی یونٹ قائم کیا گیا، غربت کا خاتمہ، خواتین کو بااختیار بنانا پیپلزپارٹی کی ترجیح ہے۔

واضح رہے کہ اس سے قبل مراد علی شاہ کا کہنا تھا کہ ہر کچرے کے ڈمپر کی تصویر بنائیں ،پھر صفائی کا فوٹو،ویڈیو بنائیں، میں خود اس کی مانیٹرنگ بھی کروں گا، میں خود کل صفائی کے کام کا دورہ کروں گا۔

ڈی ایم سی سینٹرل نے بتایا 152ٹرالی، 51 ٹریکٹرز،24ڈمپرز، 6 لوڈرز اور500 مزدور درکار ہیں، ہر ڈمپر پر ڈسٹرکٹ کا نام اور نمبر ہونا چاہئے جبکہ ڈی ایم سی ایسٹ کا کہنا تھا کہ 30 ڈمپرز، 6 بلیڈ ٹریکٹرز، 5 ایسیویٹور اور 75 مزدور چاہئیں۔

Comments

comments

یہ بھی پڑھیں