The news is by your side.

Advertisement

پنجاب کابینہ میں ردوبدل سے متعلق کوئی بات نہیں ہوئی: صمصام بخاری

لاہور: وزیر اطلاعات پنجاب صمصام بخاری نے کہا ہے کہ پنجاب حکومت میں فوری تبدیلی سے متعلق ابھی کوئی بات نہیں ہوئی.

ان خیالات کا اظہار انھوں نے کابینہ اجلاس کے بعد بریفنگ دیتے ہوئے کیا. ان کا کہنا تھا کہ وزیراعظم کے وژن کےمطابق وزیراعلیٰ فیصلےکررہے ہیں.

صمصام بخاری کا کہنا تھا کہ پنجاب کابینہ میں ردوبدل سے متعلق ابھی کوئی بات نہیں ہوئی، وزرا کی کارکردگی سے متعلق وزیراعلیٰ کو آگاہی دی جاتی ہے، وزیراعلیٰ وزیر اعظم کے وژن کے مطابق فیصلوں کے مجاز ہیں.

اس موقع پر  انھوں نے اجلاس میں صحت اورانسداد ڈینگی پروگرام، منڈی بہاؤ الدین میں پنجاب یونیورسٹی آف ٹیکنالوجی کی منظوری، پنجاب اینیمل ہیلتھ بل کی منظوری سے متعلق تفصیلات سے آگاہ کیا.

مزید پڑھیں: کابینہ میں ردوبدل کوئی غیرآئینی اقدام نہیں، شہباز گل

وزیراطلاعات پنجاب نے کہا کہ کابینہ کی میٹنگ ہر 15روز بعد کرنے کا فیصلہ کیا گیا، صحت، پاپولیشن ویلفیئر پروگرام، صاف پانی کے منصوبے اور رمضان پیکیج کی منظوری دی گئی ہے. انھوں نے امید ظاہر کی کہ عام آدمی کےلیے رمضان میں ریلیف نظرآئے گا.

خیال رہے کہ گزشتہ روز اسد عمر کے استعفے کے بعد وزارتوں کی بڑے پیمانے  پر تبدیلی دیکھی گئی، جس کے بعد   ترجمان وزیراعلیٰ پنجاب شہباز گل نے اے آر  وائی کے پروگرام میں گفتگو کرتے ہوئے کہا کہ  کابینہ میں ردوبدل کوئی غیر آئینی اقدام نہیں ہے، عمران خان لیڈر ہیں ان کا جو بھی فیصلہ ہوگا ہمیں عمل کرنا ہے۔

Comments

comments

یہ بھی پڑھیں