معروف اداکارہ سائرہ یوسف نے جشن آزادی سے متعلق معنی خیز پوسٹ شیئر کردی۔
اے آر وائی ڈیجیٹل کے ڈرامہ سیریل ’صنف آہن‘ میں ایل سی آرزو ڈینئل کا کردار نبھانے والی اداکارہ سائرہ یوسف نے ٹویٹ کیا جو وائرل ہوگیا۔
اداکارہ نے جشن آزادی کی مناسبت سے معنی خیز ٹویٹ کرتے ہوئے لکھا کہ ’آزادی کے مہینے میں غلامی کی زنجیروں میں لپٹا ہمارا پاکستان۔
سائرہ نے چند گھنٹے قبل یہ ٹویٹ کیا جسے صارفین اور مداحوں کی جانب سے خوب سراہا جارہا ہے۔
آزادی کے مہینےمیں غلامی کی زنجیروں میں لپٹا ہمارا پاکستان !
— Sayra Yousuf (@Sayra_Yousuf) August 12, 2022
ان کی پوسٹ شیئر کرنے کے بعد صارفین بارشوں کے بعد پیدا ہونے والی صورتحال اور سڑکوں کی ابتر حالت کی تصویر شیئر کررہے ہیں۔
سوشل میڈیا صارفین ملک کی اس حالت کا ذمہ دار حکمرانوں کو قرار دے رہے ہیں۔
واضح رہے کہ قوم ملک کا 75واں جشن آزادی ایک روز بعد منائے گی جس کی تیاریاں زور و شور سے جاری ہیں۔
