کراچی: اداکار شہروز سبزواری کی سابقہ اہلیہ اداکارہ سائرہ یوسف کی سوشل میڈیا پوسٹ سوشل میڈیا پر وائرل ہوگئی۔
تفصیلات کے مطابق گزشتہ روز اداکارہ سائرہ یوسف نے سماجی رابطے کی ویب سائٹ انسٹاگرام پر فادرز ڈے کی مناسبت سے پوسٹ شیئر کی جو سوشل میڈیا پر وائرل ہوگئی۔
اداکارہ سائرہ شہروز کی شیئر کردہ پوسٹ میں دیکھا جاسکتا ہے کہ وہ اپنے والد کے ساتھ موجود ہیں اور بیٹی کے گود میں اٹھائے مسکرا رہی ہیں۔
ان کی تصویر کو سوشل میڈیا پر خوب پسند کیا جارہا ہے اور مداح نے تصویر پر کمنٹس کرتے ہوئے لکھا کہ ’آپ ہمیشہ کی طرح بہادر ہیں۔‘
سائرہ نے اپنی پوسٹ میں لکھا تھا کہ ’میرے والد سب سے زیادہ عام آدمی ہیں، وہ محبت کرتے ہیں، ہیرو ہیں، گانے گنگناتے ہیں اور کہانیاں بھی سناتے ہیں۔
واضح رہے کہ سائرہ یوسف شہروز سبزواری سے شادی کے بعد سے انڈسٹری سے دور ہیں، شہروز سے ان کی چند ماہ قبل علیحدگی ہوچکی ہے جبکہ شہروز سبزواری نے چند روز قبل ماڈل صدف کنول سے شادی کرلی ہے۔
سائرہ یوسف اور شہروز سبزواری کی ایک ننھی بیٹی نورے شہروز بھی ہے۔
