شامی فوج کی بمباری سے 94 افراد ہلاک‘ 325 افراد زخمی -
The news is by your side.

Advertisement

شامی فوج کی بمباری سے 94 افراد ہلاک‘ 325 افراد زخمی

دمشق: شام کے علاقے مشرقی غوطہ میں شامی فوج کی بمباری کے نتیجے میں 94 افراد ہلاک جبکہ 300 سے زائد افراد زخمی ہوگئے۔

تفصیلات کے مطابق شامی فوج کی شام کے علاقے مشرقی غوطہ میں شدید بمباری کے نتیجے میں 94 افراد ہلاک جبکہ 325 افراد زخمی ہوگئے۔

شامی فوج کی بمباری کے نتیجے میں ہلاک ہونے والوں میں 20 بچے بھی شامل ہیں۔

دوسری جانب شام کے سرکاری ٹی وی کے مطابق شامی حکومت کی حامی فورسز شمال مغربی شام میں عفرین کے علاقے میں داخل ہونے والی ہیں۔


کرد جنگجوؤں نےشامی فوج سےمعاہدہ کرلیا


خیال رہے کہ گزشتہ روز شام کے شمال مغربی علاقے عفرین میں لڑنے والے کرد جنگجوں کا کہنا تھا کہ انہوں نے شامی حکومت سے معاہدہ کرلیا ہے ۔

کرد جنگجوں نے شامی حکومت سے اس بات پر معاہدہ کیا ہے کہ وہ ترکی کی جاررحانہ کارروائیوں سے نمٹنے کے لیے جنگجؤوں کو فوجی امداد فراہم کرے گی۔

یاد رہے کہ 2012 میں شامی صدر بشار الاسد نے سرکاری آرمی کو عفرین کے علاقے سے نکال لیا تھا اور کرد جنگجوں کے حوالے کردیا تھا تاکہ داعش سے علاقے کا قبضہ چھڑایا جاسکے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں

Comments

comments

یہ بھی پڑھیں