The news is by your side.

Advertisement

اقوام متحدہ کا شام میں اسکول پر بمباری کی تحقیقات کامطالبہ

نیویارک: اقوام متحدہ کے سیکریٹری جنرل بان کی مون کی جانب سے رواں ہفتے بدھ کے روز شام کے اسکول پر حملے کی تحقیقات کا مطالبہ کیا گیا ہے۔حملے میں20سے زائد بچے جان کی بازی ہارگئے تھے۔

تفصیلات کےمطابق شام کے شہر ادلب میں باغیوں کے زیر قبضہ علاقے میں بدھ کے روز شدید بمباری کی گئی جس کے نتیجے میں اسکول کے 20سےزائد بچے جاں بحق ہوگئے۔

اقوام کے متحدہ کے مطابق رواں ماہ کے دوسرے ہفتے سے لے کر اب تک پانچ اسکولوں کونشانہ بنایا گیا ہے جس میں کئی معصوم بچے جان کی بازی ہار چکے ہیں اورمتعدد ان حملوں میں شدید زخمی ہیں۔

شام میں طبی عملے کا کہناہے کہ ادلب حملے میں جاں بحق افراد کی تعداد 35تک پہنچ گئی ہے اور ان میں اکثریت بچوں کی ہے۔

دوسری جانب روسی وزارتِ دفاع کے ترجمان میجر جنرل ایگور کونس شینکوف کا کہناہے کہ اسکول پر حملے کا دعویٰ جھوٹ پر مبنی ہے۔ان کا کہناتھاکہ  ایک روسی ڈرون سے جمعرات کو لی جانے والی تصاویر میں دیکھا جا سکتا ہے کہ اسکول کی چھت اب بھی سلامت ہے۔

مزید پڑھیں:شامی فوج کی حلب میں بمباری،34افرادجاں بحق
واضح رہے کہ رواں ماہ باغیوں کے زیرقبضہ حلب شہر میں روسی اورشامی جنگی طیاروں نے اسپتال پر بمباری کی تھی جس کے نتیجےمیں 34افراد جان کی بازی ہار گئے تھے۔

Comments

comments

یہ بھی پڑھیں