دمشق: اسرائیل نے حماس کے ساتھ جنگ سے دنیا کی توجہ ہٹانے کیلیے لبنان کے بعد شام پر حملے شروع کر دیے۔
عالمی خبر رساں ادارے کی رپورٹ کے مطابق اسرائیلی فوج نے شام کے دارالحکومت دمشق اور حلب کے شمالی شہر پر بیک وقت کئی میزائل فائر کیے۔
میزائل حملوں سے دمشق میں ایئرپورٹس اور ریلوے اسٹیشن کو شدید نقصان پہنچا جبکہ صارف کیلیے سروس معطل ہوگئی۔
شامی فوج کے مطابق میزائل حملوں میں خاص کر ایئرپورٹس کو ٹارکیٹ کی گیا، اسرائیلی حملوں کا مقصد غزہ میں حماس کے ساتھ اس کی جنگ سے دنیا کی توجہ ہٹانا ہے۔
‼️ BREAKING: Israel attacked the airports of Damascus and Aleppo in Syria. pic.twitter.com/YKUHjNPL9v
— Lord Bebo (@MyLordBebo) October 12, 2023
جب اسرائیلی فوج سے اس بارے میں تصدیق کیلیے رابطہ کیا گیا تو اس نے تردید نہیں کی لیکن تبصرہ کرنے سے انکار کر دیا۔
اسرائیل شام میں ایران سے منسلک اہداف کو نشانہ بنانے کیلیے کئی بار دمشق کے ہوائی اڈے سمیت دیگر مقامات پر حملے کر چکا ہے۔
خیال رہے کہ یہ تازہ حملے ایک ایسے وقت میں کیے گئے جب عنقریب ایران کے وزیر خارجہ حسین امیرعبداللہیان شام کا دورہ کرنے والے ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں