دمشق : شام کےشہرحلب میں بمباری سےزخمی اور عالمی توجہ کا مرکز بننے والے بچے اومران کے 10 سالہ بڑے بھائی اسپتال میں انتقال کر گئے.
تفصیلات کے مطابق شام کے شہر حلب میں 17 اگست کو ایک گھر پر فضائی حملے میں دس سالہ علی اور اس کا چھوٹا بھائی پانچ سالہ اومران دقنیش زخمی ہوگئے تھے.
دنیا کو جھنجوڑ دینے والے شامی بچے اومران کا بڑا بھائی علی دقنیش جسم میں اندرونی چوٹیں آنے کے باعث جانبر نہ ہوسکااور اسپتال میں انتقال کرگیا.
*بمباری سے متاثرہ شامی بچے کی ویڈیو نے عالمی سطح پر نئی بحث چھیڑ دی
یاد رہے کہ دو روز قبل شام کے شہر حلب میں تازہ بمباری کے دوران ایک زخمی بچے کی ویٰڈیو نے ایک بار پھر دنیا کو جھنجھوڑ کر رکھ دیا.
ویڈیو میں دیکھا جاسکتا ہے کہ امدادی کارروائیوں میں کارکنان نے گھر کے ملبے سے ایک بچے کو نکالا اور اسے موبائل وین میں بنے امدادی کیمپ میں بٹھایا تھاجہاں بچہ خوف سے سہما ہوا کچھ دیر بیٹھا رہا پھر اسے نے منہ پر ہاتھ پیھرا تو اس کا ہاتھ خون سے بھر گیا.
Sometimes a video is worth a million words…#aleppo pic.twitter.com/Pe2pfkgUsK
— NicoleHajal (@NicoleHajal) August 18, 2016
واضح رہے کہ زخمی اومران دقنیش کی ایمبولنس میں لی گئی تصویر اور ویڈیو نے دنیا کو ایک بار پھر شام کی طرف متوجہ ہونے پر مجبور کردیا.
