The news is by your side.

Advertisement

شامی پناہ گزین کیمپ شمسی توانائی سے روشن

بیروت: لبنان میں شامی پناہ گزینوں کے لیے قائم کیے گئے کیمپوں کو شمسی توانائی سے روشن کردیا گیا۔

شام سے جبری طور پر بے دخل کیے جانے والے مہاجرین لبنان اور ترکی سمیت دیگر ممالک میں پناہ گزین کیمپوں میں رہ رہے ہیں جہاں بنیادی سہولیات تک موجود نہیں۔

لبنان میں واقع ایسے ہی چند کیمپوں کو اقوام متحدہ کے تعاون سے شمسی توانائی سے روشن کردیا گیا۔ اس منصوبے میں کویت کے ایک ادارے نے بھی تعاون کیا۔

پروگرام کے تحت 1000 ہزار افراد میں 350 سولر پینلز تقسیم کیے گئے۔ یہ سولر پینلز رات کے وقت بلب جلا سکتے ہیں جبکہ گرم پانی کے ہیٹرز کو بھی توانائی مہیا کرتے ہیں۔

ان سولر پینلز کی تنصیب کے بعد ان پناہ گزینوں کی زندگی میں خاصی تبدیلی آگئی ہے۔ اب انہیں سردیوں کے موسم میں استعمال کے لیے گرم پانی میسر ہے جبکہ رات کے وقت ان کے گھر بھی بجلی سے روشن ہوجاتے ہیں جس سے بچے پڑھائی بھی کرسکتے ہیں۔

ان روشنیوں کی آمد کے بعد پناہ گزینوں کے دل میں امید کے مزید دیے روشن ہوگئے ہیں کہ ان کی زندگی آہستہ آہستہ بہتر ہوتی چلی جائے گی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں