ٹی 10لیگ : کھلاڑیوں کے بعد فنکاروں نے بھی متنازع فارمیٹ کی مخالفت کردی -
The news is by your side.

Advertisement

ٹی 10لیگ : کھلاڑیوں کے بعد فنکاروں نے بھی متنازع فارمیٹ کی مخالفت کردی

لاہور : انٹرنیشنل کرکٹ کونسل (آئی سی سی) کے تحت کھیلی جانے والی ٹی 10لیگ پر محب وطن افراد کی جانب سے لیگ کی مخالفت کا سلسلہ جاری ہے، سابق کرکٹرز کے بعد فنکار برادری بھی میدان میں آگئی۔

تفصیلات کے مطابق پاکستان میں ہرسطح پر متنازع ٹی ٹین لیگ پر سوالات اٹھ رہے ہیں، ملک کے ممتاز فنکاروں نے بھی متنازع ٹی ٹین لیگ کی مخالفت کردی۔

اس حوالے سے معروف فنکا ر قیصر نظامانی نے کہا  ہےکہ ٹی ٹین لیگ کی چھان بین ہونی چاہیے اور اس حوالے سے ملک میں ٹیلنٹ ہنٹ اخلاقی طور پر روک دینا چاہیے۔

فلم اسٹار سعود کا کہنا ہے کہ پلیئرز اور پی سی بی نے بھی ٹی ٹین کا بائیکاٹ کیا ہے لہٰذا ہمیں بھی کرنا چاہیے، معروف فنکار اعجاز اسلم نے کہا کہ کچھ لوگوں کے کاروباری مفاد کے لیے لیگ نہیں ہونی چاہیے۔

مزید پڑھیں: ٹی 10 کوئی کرکٹ لیگ نہیں، ایسے فارمیٹ سے مطمئن نہیں، سابق کرکٹرز

واضح رہے کہ متنازع ٹی ٹین لیگ کو شائقین کرکٹ نے بھی یکسر مسترد کردیا ہے، ان کا کہنا ہے کہ ٹی ٹین جیسی متنازع لیگ نہیں ہونی چاہیے اور پاکستانی کھلاڑیوں کو بھارتی لیگ کا حصہ نہیں بننا چاہیے۔

مزید پڑھیں: جب تک تسلی نہیں ہوگی ٹی 10 لیگ کی حمایت نہیں کروں گا، احسان مانی

اس کے علاوہ چیئرمیں پی سی بی احسان مانی کا بھی کہنا ہے کہ ٹی ٹین لیگ سے متعلق پی سی بی کے پاس کوئی معلومات موجود نہیں اس لیے جب تک انہیں تسلی نہیں ہوگی وہ ٹی10لیگ کی حمایت نہیں کریں گے۔

Comments

comments

یہ بھی پڑھیں