کابل : دبئی اسٹیڈیم میں پاکستان اور افغانستان کے دلچسپ میچ میں شکست کے بعد طالبان رہنما انس حقانی بھی بول پڑے، انہوں نے شاعرانہ انداز میں اپنی ٹیم کی حوصلہ افزائی کی۔
ٹی 20 ورلڈ کپ میں پاکستان کے ہاتھوں افغانستان کی کرکٹ ٹیم کی شکست پر طالبان رہنما انس حقانی نے اپنے ردعمل میں ایک شعر لکھا ہے جس میں سبق بھی ہے اور ٹیم کیلیے حوصلہ افزائی بھی ۔
انس حقانی نے سماجی رابطے کی ویب سائٹ ٹوئٹر پر اپنا پیغام شیئر کیا لکھا کہ "گرتے ہیں شہسوار ہی میدان جنگ میں۔ وہ طفل کیا گرے گا جو گھٹنوں کے بل چلے۔
گرتے ہیں شہسوار ہی میدان جنگ میں
وہ طفل کیا گرے گا جو گھٹنوں کے بل چلے#افغانستان
— Anas Haqqani(انس حقاني) (@AnasHaqqani313) October 29, 2021
واضح رہے کہ ٹی 20 ورلڈکپ کے میچ میں پاکستان نے افغانستان کو 5 وکٹوں سے شکست دی ہے۔ پاکستان نےاس طرح جیت کی ہیٹ ٹرک بھی مکمل کی ہے۔
قبل ازیں گزشتہ روز جب ٹی ٹوئنٹی ورلڈ کپ میں پاکستان اور افغانستان کی ٹیمیں دبئی میں مدمقابل ہوئیں تو اس حوالے سے افغان وزارت داخلہ نے اہم اعلامیہ جاری کیا تھا۔
افغان وزارت داخلہ نے اعلان کیا تھا کہ اگر افغان ٹیم میچ جیت جائے تو اس جیت کی خوشی میں ہوائی فائرنگ پر پابندی عائد کردی گئی ہے خلاف ورزی پر سخت سزا دی جائے گی۔
