کرکٹ کی عالمی جنگ کا سب سے بڑا مقابلہ آج ہوگا، ٹی ٹوئنٹی ورلڈ کپ میں کرکٹ کی دو سپر پاور پاکستان اور بھارت آج مدمقابل ہوں گی۔
اے آر وائی نیوز کے مطابق دنیا کی نظریں آج ملیبرن کرکٹ گراؤنڈ پر مرکوز ہیں جہاں ہو رہا ہے کرکٹ کا سب سے بڑا مقابلہ، آسٹریلیا کے شہر میلبرن میں کھیلے جا رہے ٹی ٹوئنٹی ورلڈ کپ کے سپر 12 مرحلے میں ٹورنامنٹ کا سب سے بڑا مقابلہ آج ہوگا، کرکٹ کی دو سپر پاورز پاکستان اور بھارت آج ایک دوسرے کے مدمقابل ہوں گی اور جیت کے لیے جان لڑائیں گی۔
پاکستانی وقت کے مطابق میچ دوپہر ایک بجے شروع ہوگا، میلبرن کا موسم بہتر ہوگیا ہے اور میچ میں بارش کا امکان کم ہے، ایک لاکھ سے زائد تماشائی آسٹریلیا کے سب سے بڑے اسٹیڈیم میں میچ دیکھیں گے، شائقین کرکٹ پاک بھارت ٹاکرا دیکھنے کیلیے کئی گھنٹے قبل ہی اسٹیڈیم پہنچنا شروع ہوگئے ہیں۔
اس بڑی جنگ میں پاکستان کی پیس بیٹری شاہین، حارث رؤف اور نسیم شاہ کریں گے بھارتی سورماوں پر اٹیک جب کہ سامنے ہوں گے بھارت کے مایہ ناز بلے باز کپتان روہت شرما، ویرات کوہلیل اور سوریا جیسے بلے باز، اعصاب کی جنگ میں کون جیتتا ہے اور کون ہارتا ہے یہ فیصلہ صرف چند گھنٹے میں ہو جائے گا۔
اس سے قبل گزشتہ روز پاکستان اور بھارتی کرکٹ ٹیم کا پریکٹس سیشن دیکھنے بڑی تعداد میں مداح ایم سی جی پہنچے، شائقین نے پاکستان زندہ باد کے نعرے لگائے دوسری جانب بھارتی فینز ڈھول لیکر پہنچ گئے، خوشگوار موسم میں کھلاڑی مداحوں میں گھل مل گئے، سیلفیاں بنوائیں، آٹو گراف بھی دیے۔
