تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

ٹی 20 ورلڈ کپ، پاکستان کیلیے ڈو اینڈ ڈائی مرحلہ شروع، آج نیدر لینڈ مدمقابل

آسٹریلیا میں جاری ٹی ٹوئنٹی ورلڈ کپ میں پاکستان کے لیے ڈو اینڈ ڈائی مرحلہ شروع ہوگیا ہے، آج قومی ٹیم نیدر لینڈ کا مقابلہ کرنے کیلیے میدان میں اترے گی۔

اے آر وائی نیوز کے مطابق ٹی ٹوئنٹی ورلڈ کپ میں پاکستان اب تک فتح کا مزا نہیں چکھ سکی ہے اور اپنا اگلے مرحلے تک سفر جاری رکھنے کیلیے نہ صرف قومی ٹیم کا ہر میچ ڈو اینڈ ڈائی کی حیثیت اختیار کر گیا ہے اور اسے ہر میچ جیتنا ہوگا بلکہ گروپ کے دیگر میچز کے نتائج پر بھی انحصار کرنا ہوگا۔

گرین شرٹس اور نیدر لینڈ آج دوپہر 12 بجے پرتھ کے میدان میں اتریں گی، پاکستان کو ٹی ٹوئنٹی ورلڈ کپ کے سیمی فائنل کی دوڑ میں شامل رہنے کے لیے پرتھ میں نہ صرف نیدر لینڈکو ہرانا ضروری ہے بلکہ گروپ ٹو کے اپنے اگلے دونوں میچوں میں بھی جنوبی افریقہ اور بنگلہ دیش سے جیتنا ہوگا تمام میچز میں فتح حاصل کرنے کے باوجود بھی قومی ٹیم کیلیے اگر مگر کی صورتحال رہے گی اور ہمیں گروپ کے دیگر میچوں کے نتائج پر انحصار کرنا ہوگا۔

قومی ٹیم نے ورلڈ کپ کے سپر 12 مرحلے میں جیتا ہوا میچ بھارت سے ہارا اور دوسرے میچ میں زمبابوے نے اپ سیٹ شکست سے دوچار کیا جس کے باعث ٹیم کڑی تنقید کی زد میں اور زمبابوے کی فتح کے بعد نیدر لینڈ نے بھی پاکستان کو ہرانے کے سپنے سجا لیے ہیں، ماہرین کہہ رہے کہ پرتھ کی تیز پچ پر ہالیند بھی آسان حریف نہیں ہوگی۔

نیدر لینڈ 2009 اور 2014 میں انگلینڈ کو ٹی ٹوئنٹی ورلڈ کپ میں شکست کا مزا چکھا چکی ہے، نیدر لینڈ کو آج کے میچ میں تین فاسٹ بولرز میکرن، ون بیک اور کلاسن کی خدمات حاصل ہیں جو پاکستانی بلے بازوں کے قدم اکھاڑنے کی کوشش کریں گے۔

آج کے میچ میں پاکستانی فاسٹ بولر حارث روؤف قومی ٹیم کے کم بیک کرنے کیلیے پرامید ہیں، آج کے میچ میں جارح مزاج بلے باز فخر زمان کی بھی واپسی ہوگی۔

آج گروپ ٹو کا پہلا میچ بنگلہ دیش اور زمبابوے کے مابین جاری ہے اور پاکستان کے نقطہ نظر سے یہ میچ بنگلہ دیش کے لیے جیتنا ضروری ہے۔

Comments

- Advertisement -