نیوزی لینڈ کی ٹیم جنوبی افریقا کو 9 وکٹ سے شکست دے کر ٹی 20 ورلڈ کپ کے فائنل میں پہنچ گئی۔
ایڈن گارڈن کولکتہ میں کھیلے گئے میچ میں نیوزی لینڈ نے جنوبی افریقا کی جانب سے دیا جانے والا 170 رنز کا ہدف 12.5 اوورز میں ایک وکٹ کے نقصان پر حاصل کرلیا
فن ایلن نے 33 گیندوں پر ناقابل شکست سنچری اسکور کی جس میں 8 چھکے اور 10 چوکے شامل تھے۔
View this post on Instagram
ٹم سائفرٹ 33 گیندوں پر 58 رنز بنا کر آؤٹ ہوئے، راچن رویندرا 13 رنز بنا کر ناٹ آؤٹ رہے۔
View this post on Instagram
جنوبی افریقا کی جانب سے واحد وکٹ کاگیسو ربادا نے حاصل کی، مارکو ینسن نے 2.5 اوورز میں 53 رنز دیے اور سب سے مہنگے بولر ثابت ہوئے۔
جنوبی افریقا نے مقررہ اوورز میں 8 وکٹ کے نقصان پر 169 رنز بنائے اور نیوزی لینڈ کو جیت کے لیے 170 رنز کا ہدف دیا تھا۔
مارکو جینسن کی 55 رنز کی اننگز رائیگاں گئی۔
نیوزی لینڈ کی جانب سے میٹ ہینری اور راچن رویندرا نے دو، دو کھلاڑیوں کو آؤٹ کیا۔
View this post on Instagram
اس سے قبل کیوی کپتان مچل سینٹنر نے ٹاس جیت کر ایڈن مارکرم الیون کو پہلے بیٹنگ کی دعوت دی ہے۔
View this post on Instagram
جنوبی افریقہ نے گروپ اسٹیج میں نیوزی لینڈ کو سات وکٹوں سے ہرایا تھا۔ اس لیے سیمی فائنل میں اس کا حوصلہ بلند ہوگا۔
ٹی 20 ورلڈ کپ کے مجموعی ریکارڈ میں بھی جنوبی افریقہ کو برتری حاصل ہے، جو 19 میچوں میں سے 12 بار میدان مار چکی ہے۔
View this post on Instagram
تاہم دونوں ٹیموں کے پاس اعلیٰ معیار کے ٹی 20 کھلاڑی ہیں اور آج ایک دلچسپ اور سنسنی خیز مقابلہ ہونے کی توقع ہے۔
دونوں ٹیموں کے کھلاڑیوں کا اگر تقابلی جائزہ لیں تو اگر جنوبی افریقی کپتان ایڈن مارکرم ٹورنامنٹ کے سات میچز میں 268 رنز بنا چکے ہیں تو کیوی اوپنر سائفرٹ نے بھی 7 میچز میں 216 رنز بنائے ہوئے ہیں۔
میگا ایونٹ کے ٹاپ ٹین بولرز میں جنوبی افریقہ کے تین گیند باز این گیڈی (12)، کوربن بوش اور مارکو جانسن (11، 11) شکار کر چکے ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں