کراچی (17 فروری 2026): آئی سی سی ٹی 20 ورلڈ کپ جاری ہے میگا ایونٹ کے بعد پاکستان ٹیم بنگلہ دیش کا دورہ کرے گی۔
آئی سی سی ٹی 20 ورلڈ کپ 2026 بھارت اور سری لنکا کی مشترکہ میزبانی میں کھیلا جا رہا ہے۔ یہ میگا ایونٹ بنگلہ دیش کے بغیر کھیلا جا رہا ہے کیونکہ اس کے آغاز سے قبل ہی کرکٹ کی عالمی تنظیم نے بنگلہ دیش کو ٹورنامنٹ سے باہر کرتے ہوئے اسکاٹ لینڈ کو شامل کر لیا تھا۔
اب ورلڈ کپ کے بعد پاکستان ٹیم بنگلہ دیش جائے گی، جہاں دونوں ٹیموں کے درمیان ون ڈے سیریز کھیلی جائے گی۔
تین ایک روزہ میچوں پر مشتمل سیریز بنگلہ دارالحکومت ڈھاکا میں کھیلی جائے گی اور میچز 12، 14 اور 16 مارچ کو ہوں گے۔
دونوں ٹیمیں 2 ٹیسٹ میچز پر مشتمل سیریز پی ایس ایل کے بعد مئی میں کھیلیں گی۔ پہلا ٹیسٹ 8 سے 12 مئی تک ڈھاکا جب کہ دوسرا ٹیسٹ 16 سے 20 مئی تک چاٹوگرام میں شیڈول ہے۔
’پاکستان ٹیم کو ’’اسلام آباد یونائیٹڈ ٹیم‘‘ بنا دیا گیا ہے‘
اے آر وائی نیوز کی ڈیجیٹل ڈیسک کی جانب سے شائع کی گئی خبریں